Ef einhver vill komast í sólina þá er íbúðin sem LSS leigir á Spáni í sumar laus til 20. júní.  Fyrstur kemur fyrstur fær á orlofsvefnum www.orlof.is/lsos.

Íbúðin á Spáni er laus til 20. júní.

Á 20.þingi LSS sem fór fram dagana 12.-14.apríl var samþykkt að lækka félagsgjöld LSS.  Félagsgjald LSS verður nú 1,2% í stað 1,3% og tekur gildi 1. maí 2024.

Lækkun iðgjalda samþykkt á 20.þingi LSS

Reglugerð um veitingu heiðursmerkja Landssambands slökkviliðs- og sjúkraflutningamanna var samþykkt á 20. aðalþingi LSS, 12. – 14. apríl 2024

Reglugerð um veitingu heiðursmerkja LSS

Ný stjórn LSS var kosin síðustu helgi á 20.þingi LSS.

Jón Kristinn Valssson formaður fagdeild slökkviliðsmanna SHS

Egill Aron Gústafsson formaður fagdeild sjúkrafl.manna HSU

Maron Berg Pétursson formaður stjórnenda SA

Jón Kristinn Valsson, formaður fagdeildar SHS

Egill Aron Gústafsson formaður fagdeildar HSU

LSS þakkar fráfarandi stjórnarmönnum og félagsmönnum í fagdeildum kærlega fyrir vel unnin störf og bjóðum þá nýju velkomna til starfa fyrir félagið.

Ný stjórn kosin á 20.þingi LSS sem fram fór 12.-14. apríl 2024

 LSS vekur athygli á tækja- og búnaðarsýningu sem verður í Björgunarmiðstöðinni á Selfossi föstudaginn 19.apríl milli klukkan 16:30-21:00.

Sýningin er haldin af Brunavörnum Árnessýslu í tilefni af aðalfundi Félags slökkviliðsstjóra á Íslandi og eru allir viðbragðsaðilar velkomnir.

Tækja- og búnaðarsýning fyrir viðbragðsaðila.

20. þing LSS fer fram dagana 12.-14.apríl. Hægt er að nálgast öll gögn fyrir þingið á heimasíðunni undir valmyndinni (efst hægra megin á forsíðu) og er valið Þing LSS.

Öllum félagsmönnum LSS er velkomið að sitja þingið.

Þá er framboðsfrestur til stjórnar Landssambands slökkviliðs- og sjúkraflutningamanna liðinn.  Þingið verður haldið dagana 12. – 14. apríl 2024 þar sem kosið verður um nýja stjórn félagsins.

Eftirfarandi aðilar hafa tilkynnt framboð sitt.

Til stjórnar LSS sem meðstjórnandi – tvö sæti 

Ásgeir Þórisson            BS

Gylfi Jónsson               SHS

Til formanns fagdeildar stjórnenda innan LSS 

Til formanns fagdeildar slökkviliðsmanna innan LSS

Til formanns fagdeildar sjúkraflutningamanna innan LSS

Til varamanns í stjórn LSS – tvö sæti

Patryk Zolobow            HVE 

Þar sem Ingvi Þór sem er í uppstillingarnefnd hefur boðið sig fram í embætti varamanns í stjórn LSS víkur hann sæti í nefndinni og varamaður er kallaður inn sem er Jónas Árnason.

ASÍ-Ung hafði samband við BSRB og vill bjóða ungu fólki innan BSRB að taka þátt í fræðslu- og tengsladögum 2024 undir yfirskriftinni Framtíð vinnumarkaðarins. Um er að ræða viðburð þar sem ung fólk með áhuga á verkalýðsmálum kemur saman. Sonja okkar verður með erindi ásamt Forseta ASÍ og fræðslufyrirlesurum – hverjir þeir verða kemur í ljós síðar.

Dagarnir fara fram í Reykjanesbæ og er gist eina nótt. ASÍ–Ung býður í hádegis- og kvöldverð en gisting er á kostnað félaga. Dagskrá og frekari upplýsingar má finna hér að neðan.

Við hvetjum formenn til að bjóða sínu fólki á viðburðinn. Miðað er við 35 ára aldur.

Þau sem hafa áhuga mega senda mér nöfn og netföng. Ég mun halda utanum skráningu og senda frekari upplýsingar til þátttakenda þegar nær dregur. 

Ef þið hafið spurningar ekki hika við að hafa samband.

Marriott Hotel, Aðalgötu 60, 230 Keflavík: 11.-12. apríl 2024

 Fimmtudagur - 11. apríl   --------------

 12:00 - 13:00     Móttaka, hádegismatur og   skráning

13:15 – 13:30     Erindi: Formaður ASÍ-UNG

13:30 – 14:30     Fræðsluerindi nr.1

                  – Umhverfismál og   atvinnulýðræði

15:00 – 15:30     Erindi: Formaður BSRB

15:30 – 16:30     Fræðsluerindi nr.2

                  – Jafnréttismál og málefni   innflytjenda

19:00            Kvöldverður í boði   ASÍ-UNG

Föstudagur - 12. apríl   --------------------

09:30 – 10:00     Erindi: Forseti ASÍ

10:00 – 11:30     Samtal um framtíð   vinnumarkaðarins 

11:30 – 11:40     Formaður   ASÍ-UNG lýkur viðburðinum

Skráning: Senda nafn og netfang á frida@bsrb.is fyrir miðvikudaginn 27. mars nk. 

Gisting: Hótel Marriot býður þátttakendum gistingu með morgunverði á 23.500 kr. Þátttakendur/eða félög sjá um að bóka og greiða fyrir gistingu. 

Matur: ASÍ-UNG býður þátttakendum í hádegis- og kvöldverð á fimmtudeginum. Morgunverður er innifalinn í gistingu. 

Gert er ráð fyrir að þátttakendur komi sér sjálfir á staðinn.

·       2 íbúðir að Skálatúni 33, Akureyri

·       1 íbúð Grandavegur 42, Rvk. (frá 1.júní)

Sumarleigutímabil er frá 3.maí til 30. ágúst

Hægt að sækja um með því að fara inn á orlofssíðu LSS: www.orlof.is/lsos til og með 1. mars n.k. 

Skrifstofa félagsins er opin frá kl. 9:00-12:00 alla virka daga og 13:00-15:00 (mán-fim),  sími 562-2962.

Umsóknarfrestur er til 1. mars og úthlutun fer fram 10. mars.

20. þing LSS fer fram dagana 12.-14. apríl 2024 í húsnæði BSRB en á þinginu verður kosið til stjórnar samkvæmt lögum félagsins.

16.1 Stjórn LSS skal skipuð 7 mönnum, sem kosnir skulu á aðalþingi félagsins. Formann skal kjósa sérstaklega til tveggja ára svo og varaformann. Fimm stjórnarmenn skal kjósa til 2ja ára, þar af einn frá fagdeild stjórnenda, einn frá fagdeild slökkviliðsmanna og einn frá fagdeild sjúkraflutningamanna eftir að leitað hefur verið eftir tilnefningu þeirra. Einnig skal kjósa tvo varamenn í stjórn með sama hætti.

Formaður fagdeildar sjúkraflutningamanna

Framboði til stjórnar skal skila inn til skrifstofu LSS  eða á netfangið gudmundur@lsos.is og er framboðsfrestur til 8. mars kl. 13:00

1.     Selma Friðriksdóttir, selma.fridriksdottir@hsu.is s: 845 5034

2.     Ingvi Þór Hákonarson, ingvihakonarson@gmail.com s: 896 1781

3.     Sverrir Árnason, sverrira@shs.is s: 869 3695

Uppstillinganefnd er skipuð og vinnur samkvæmt lögum LSS

24.3 Uppstillingarnefnd félagsins er skipuð af fulltrúaráði á aðalfundi LSS. 

Uppstillinganefnd skal skipuð fimm félagsmönnum, þrem aðalmönnum og tveim varamönnum. Nefndin skal auglýsa eftir einstaklingum til kjörs samkvæmt lögum félagsins. 

Uppstillingarnefnd hefur það meginhlutverk að stilla upp einstaklingum til stjórnarkjörs. Uppstillinganefnd ræðir allar tillögur sem henni kunna að berast og kappkostar að taka tillit til starfsgreina og landssvæða þannig að stjórn endurspegli breidd félagsins

Uppstillinganefnd auglýsir eftir framboðum til stjórnar LSS

Fjöldi námskeiða er í boði fyrir trúnaðarmenn í vor. Um er að ræða staðnámskeið, vefnámskeið sem byggjast á upptökum og fjarnámskeið sem kennd eru í gegnum zoom.

Að þessu sinni var breytt um framsetningu á því úrvali sem Félagsmálaskóli alþýðu býður upp á vorönn 2024. Tekin voru saman öll þau námskeið sem trúnaðarmönnum aðildarfélaga BSRB stendur til boða til að setja fram með skýrari hætti hvað okkar fólk getur sótt.  

Upplýsingar má finna hér: https://www.bsrb.is/is/moya/page/namsframbod-fyrir-trunadarmenn-vor-2024

Minnum á að það styttist í lok skráningar á opna námskeiðið um „Vinnurétt“ sem kennt er í fjarnámi á Zoom, en námskeiðið er hluti af 

gildandi námsskrá Trúnaðarmannanámsins en er einnig opið öðrum áhugasömum. 

Skráningu lýkur mánudaginn 12. febrúar kl. 12.00.

 Félagsmálaskóli alþýðu – Félagsmálaskóli alþýðu (felagsmalaskoli.is)

Vinnuréttur - opið námskeið í fjarnámi

Nú er komið að útlutun úr félagsmannasjóðnum Kötlu fyrir árið 2023.   Félagsmenn LSS sem starfa samkvæmt kjarasamningi LSS og Sambandi íslenskra sveitafélaga geta sótt um á síðunni https://katla.bsrb.is/.

Vekjum athygli að þeir sem hafa áður fengið úthlutað þurfa ekki að sækja um þar sem viðeigandi gögn og bankaupplýsingar liggja fyrir.

Íbúðin á Grandavegi í Reykjavík verður ekki leigð út v.stöðu mála í Grindavík.

·      2 íbúðir að Skálatúni 33, Akureyri

Páskaleigutímabil er frá 27.mars - 1.apríl 2024

Félagsmenn sendi inn umsóknir á netfang www.lsos@lsos.is til og með 1. febrúar n.k. 

Umsóknarfrestur er til 1. febrúar og úthlutun fer fram 2.febrúar.

Í 6. gr. laga um brunavarnir nr. 2000/75 er hlutverk Húsnæðis- og mannvirkjastofnunar (HMS) skilgreint sem samræmingar aðili á sviði brunavarna. Þar segir að HMS skuli með sjálfstæðum athugunum og úttektum leiðbeina sveitarstjórnum um kröfur sem gerðar eru til eldvarnaeftirlits og slökkviliða. 
 
Send var út spurningakönnun sem snýr að starfsemi slökkviliða og byggir á ofangreindri gr. laga um brunavarnir.
 
Könnunin er send öllum starfandi slökkviliðsmönnum og stjórnendum slökkviliða á Íslandi. Niðurstöðunum er ætlað að veita frekari innsýn í starfsemi slökkviliða og verða meðal annars nýttar til að greina nauðsynlegar úrbætur.
 
Rannsóknafyrirtækið Maskína sér um framkvæmd könnunarinnar fyrir hönd HMS. Maskína leggur áherslu á öryggi persónuupplýsinga og fer eftir ýtrustu kröfum um meðferð þeirra samkvæmt persónuverndarlögum. Því verða niðurstöður á engan hátt rekjanlegar til einstaklinga en nánari upplýsingar um persónuverndarstefnu Maskínu má finna á vefsíðu Maskínu.  
 
Til að hægt sé að fara fram á aðkallandi úrbætur á starfsemi slökkviliða er nauðsynlegt að greina hvar þörfin liggur og því er mikilvægt að fá sem besta svörun við þessari könnun. Niðurstöður hennar eru mikilvæg viðbót á fyrirliggjandi upplýsingar og styrkja rökstuðning og leiðbeiningar HMS til sveitarfélaga sem eru ábyrg fyrir rekstri slökkviliða á Íslandi. En fyrri úttektir sem HMS hefur framkvæmt og eftirfylgni með niðurstöðum þeirra, hefur bætt starfsemi slökkviliða víðs vegar um landið, m.t.t. aðstöðu og búnaðarmála, menntunar og þjálfunar og fleiri þátta og þannig stuðlað að auknu öryggi fyrir slökkviliðsmenn í landinu.
 
 

Rafræn athugun á starfsemi slökkviliða

 Nú þurfum við hjá [NAFN STÉTTARFÉLAGS] á ykkar hjálp að halda. Við viljum biðja ykkur að taka þátt í könnun um stöðu ykkar. Það tekur stuttan tíma og öll sem vilja komast í pott og geta unnið 40.000 króna gjafakort.

 Könnunin er á vegum Vörðu – Rannsóknastofnunar vinnumarkaðarins og er nú lögð fyrir fjórða árið í röð. Könnunin er mikilvægur liður í upplýsingaöflun um stöðuna á vinnumarkaði, sér í lagi varðandi fjárhagsstöðu og heilsu. Niðurstöður hennar munu hjálpa okkur við að greina stöðu launafólks á Íslandi og berjast fyrir betri lífsskilyrðum. 

 Það tekur aðeins um 15 mínútur að svara könnuninni og ekki er hægt að rekja svör til einstaklinga. Spurt er um fjárhagsstöðu, líðan, heilsufar og stöðu á húsnæðismarkaði. 

 Könnunina finnið þið hér: https://www.research.net/r/Launafolk_2024

 Framkvæmd könnunarinnar er alfarið í höndum Vörðu, sem sér um hönnun spurninga, uppsetningu, framkvæmd og úrvinnslu á niðurstöðum. 

§  Könnunin verður opin í tvær vikur og hægt er að svara henni í síma, spjaldtölvu eða tölvu. 

§  Könnunin er á þremur tungumálum, íslensku, ensku og pólsku. 

§  Þrír þátttakendur vinna 40.000 kr. gjafakort fyrir þátttökuna. 

§  Könnunin opnar fimmtudaginn 4. janúar og verður lokað miðvikudaginn 17. janúar. 

§  Könnunin er ópersónurekjanleg. Happadrætti sem þátttakendum gefst kostur á að taka þátt í er á öðrum hlekk og ekki hægt að rekja saman svör í könnuninni við þátttöku í happadrættinu.

Við hvetjum allt félagsfólk til að taka þátt í könnuninni, enda afar mikilvægt að fá sjónarmið sem flestra til að niðurstöðurnar nýtist sem best við að móta og styðja við kröfur verkalýðshreyfingarinnar. 

Könnun um stöðu launafólks lögð fyrir 2024.

Opnað verður fyrir umsóknir 4. janúar 2024 fyrir íbúð á Torrevieja á Spáni sem orlofssjóður LSS mun leigja frá 16. maí - 31. október 2024.

Umsóknarfrestur er til 1. febrúar og eftir úthlutun verður opnað á leigu fyrir félagsmenn og þá gildir lögmálið, fyrstur kemur - fyrstur fær.  Umsóknum er skilað inn í gegnum orlofssíðu LSS  https://orlof.is/lsos/ 

Leigutímabilið eru ein - tvær vikur í senn og verður frá þriðjudegi - þriðjudags, og kostar vikan 82.000-kr.  Nánari upplýsingar um orlofsíbúðina má sjá hér.

Íbúð á Torrevieja á Spáni sumarið 2024

Þá er árið 2023 nánast liðið og hjá LSS bíða fjölmörg og ærin verkefni á árinu 2024. Við höfum áorkað miklu á árinu og stefnum að því að halda áfram að bæta hag, réttindi og þekkingu félagsmanna á nýju ári. 

Það er því vert á þessum tímamótum að fara aðeins yfir það sem hefur áorkast á árinu.

Í janúar hóf nýr starfsmaður störf hjá LSS en Guðmundur Þór Jónsson var ráðinn á skrifstofu LSS en Guðmundur er lögfræðingur að mennt og hefur nýtt árið til að koma sér inn í verkefni LSS og sér í dag um flest öll réttindamál félagsmanna.

Í lok janúar flutti LSS í nýtt og glæsilegt húsnæði að Norðurbrún 2 í Reykjavík og er félagið loksins komið í eigið húsnæði. Þetta var ákveðin þrautarganga en með aðstoð hóps góðra einstaklinga er húnsæðið komið í notkun og er hið glæsilegasta.

Í febrúar stóð LSS fyrir ráðstefnu um rafmagnsvæðingu farartækja, ráðstefna sem var löngu þörf. Í framhaldi hafa fleiri aðilar tekið boltann og er mikið verið að skoða öryggismál tengt farartækjum knúnum lithium rafhlöðum. 

Á vordögum var skrifað undir framlengingu á samningi LSS við ríkið og SA fyrir hönd Isavia sem fól í sér sömu hækkanir og gerðar voru í öðrum samningum ásamt vilyrðum fyrir breytingum sem LSS hafði krafist.

Þann 12. maí hélt LSS svo upp á 50 ára afmæli félagsins og var boðið til afmælisveislu í nýju húsnæði LSS sem á sama tíma var formlega tekið í notkun. Við notuðum tækifærið og hófum þá vegferð að þakka þeim sem unnið hafa fyrir félagið á þessum 50 árum og voru fyrrverandi formönnum LSS afhent gullmerki félagsins. Við munum svo á næsta ári og árum halda áfram að kalla til okkar það fólk sem hefur lagt til vinnu fyrir félagið og færa þeim sérstakar þakkir frá félaginu.

Það voru svo stór tíðindi 1. júní þegar Tryggingasjóður LSS keypti krabbameinstryggingu fyrir félagsmenn LSS sem er frábær viðbót við þá slysatryggingu sem fyrrum forsvarsmenn LSS höfðu komið á. Ég er nokkuð viss um að slökkviliðsmenn hjá LSS eru án efa þeir best tryggðu í heiminum í dag.

Í lok sumars var svo skrifað undir framlengingu á kjarasamningi við Samband Íslenskra Sveitarfélaga fyrir þá félagsmenn sem starfa hjá þeim og síðan var undirrituð svipuð framlenging fyrir stjórnendur slökkviliða.

Það var stutt stopp í kjaraviðræðum þó LSS hafi undirritað framlengingu á gildandi kjarasamning og eru viðræður nú þegar hafnar fyrir komandi framlengingu árið 2024.

Í október fór fram námstefna LSS, Á vakt fyrir Ísland, og var hin glæsilegasta og eiga þeir sem tóku þátt í skipulagningu mikið hrós skilið. Strax að lokinni námsstefnunni var kominn mikill hugur í menn um að gera næstu námsstefnu árið 2025 enn betri.

Í nóvember og desember hélt LSS Eldvarnarátak sitt í samstarfi við slökkviliðin á landinu en slökkviliðsmenn á Íslandi hafa heimsótt 3. bekkinga í grunnskólum landsins síðan 1992.  Einnig tók LSS þátt í að auglýsa herferðina með dag reykskynjarans sem HMS stendur fyrir ár hvert þann 1.desember.

Landssamband slökkviliðs og sjúkraflutningamanna óskar félagsmönnum gleðilegs nýs árs og þakkar fyrir samstarfið á árinu. Við vonum að félagsmenn verði duglegir að koma við og heimsækja skrifstofu félagsins á nýju ári. 

LSS óskar félögum og landsmönnum öllum gleðlegra jóla og farsældar á komandi ári.  Skrifstofan verður lokuð frá 23.desember til og með 2.janúar 2024.  

 Móttaka umsókna nýrra sjóðfélaga í Kötlu félagsmannasjóði vegna ársins 2022 stendur enn yfir.  

 Næsta útgreiðsla fer fram núna í desember 2023  og eru aðildarfélögin hvött til þess að hafa samband við sína félagsmenn og hvetja þá til að sækja um í sjóðinn á heimasíðu sjóðsins 

https://katla.bsrb.is/ fyrir 28. desember 2023.

 Vakin er athygli á því að útgreiðsla úr sjóðnum miðast við starfshlutfall og starfstíma viðmiðunarársins sem er starfsárið 2022.

Íbúðin á Spáni er laus til 20. júní.

Lestu líka