Landshlutafulltrúar LSS vegna 21. aðalþings 2026 
  
LSS óskar eftir framboðum til landshlutafulltrúa LSS.

Deildir‌ ‌sem‌ ‌greiða‌ ‌allt að‌ ‌0,99%‌ ‌í‌ ‌félagssjóð‌ ‌LSS‌ ‌fá‌ ‌samtals‌ ‌fjóra‌ ‌fulltrúa‌ ‌á‌ ‌landsvísu:

Vestursvæði:‌ ‌1‌ ‌fulltrúi:‌ ‌Hvalfjörður‌ ‌frá‌ ‌Botnsá‌ ‌til‌ ‌og‌ ‌með‌ ‌Miðfirði/Hvammstanga‌ ‌
Norðursvæði:‌ ‌1‌ ‌fulltrúi:‌ ‌Frá‌ ‌Miðfirði/Hvammstanga‌ ‌til‌ ‌og‌ ‌með‌ ‌Langanes/Þórshöfn‌ ‌
Austursvæði: ‌1‌ ‌fultrúi:‌ ‌Frá‌ ‌Langanesi/Þórshöfn‌ ‌til‌ ‌og‌ ‌með‌ ‌Hamarsfirði‌ ‌
Suðursvæði: ‌1‌ ‌fulltrúi:‌ ‌Frá‌ ‌Hamarsfirði‌ ‌að‌ ‌Botnsá‌ ‌í‌ ‌Hvalfirði‌ ‌

Eftirlaunafulltrúi‌. Deild‌ ‌lífeyrisþega‌ ‌hefur‌ ‌1‌ ‌þingfulltrúa.‌

Þeir sem hafa áhuga á að bjóða sig fram geta sent tölvupóst á Guðmund Ásgeirsson, starfsmann skrifstofu LSS á netfangið gudmundura@lsos.is. Umsóknafrestur er til 26.mars 2026.


Landshlutafulltrúar LSS vegna 21. aðalþings 2026 

Tilkynning frá uppstillingarnefnd LSS vegna 21. aðalþings LSS 2026 
  
Á 21. aðalþingi LSS, 10. – 12. apríl 2026, sem haldið verður á Centrum Plaza hótel, Aðalstræti 4-6, 101 Reykjavík, verður kosið skv. lögum LSS og samþykktum fagdeilda, er vísað í neðangreind hlutverk hér fyrir neðan þar sem tiltekin eru þau störf sem kosið verður um. Það á jafnframt við þá sem vilja bjóða sig fram sem formenn fagdeilda. 
  
Uppstillingarnefnd hvetur félagsmenn sem hafa áhuga félags- og kjaramálum LSS að skoða þau embætti sem eru laus, að gefa kost á sér til starfa og hvetja aðra áhugasama til þess. Lýsingar á hlutverkum stjórnarmanna má finna í fylgiskjali 1 og á heimasíðu LSS má finna útgefin erindisbréf fyrir öll embætti.  
 
Eftirtalin embætti eru laus til kjörs: 
Stjórn til tveggja ára: 
Formaður
Varaformaður 
Meðstjórnandi 
Meðstjórnandi 
Meðstjórnandi
Formaður fagdeildar slökkviliðsmanna 
Formaður fagdeildar sjúkraflutningamanna 
Varamaður 1  
Varamaður 2 
 
Skoðunarmenn reikninga:  
Tveir félagslegir endurskoðendur skulu kosnir á þingi LSS til tveggja ára.  
 
Kjörstjórn  
Skv. 29. grein laga LSS ber að kjósa þrjá í kjörstjórn og tvo varamenn til tveggja ára.  
 
Fagdeild sjúkraflutningamanna  
Kosning að hámarki 6 aðila á aðalfundi fagdeildar sjúkraflutningamanna til tveggja ára, þar af tveir hlutastarfandi. Formaður er sérstaklega kosinn á aðalfundi LSS. Fjórir úr fagdeild sjúkraflutningamanna hafa lýst því yfir að þeir munu ekki bjóða sig fram aftur. Heimilt er að bjóða sig fram í fagdeildir fram að aðalfundi fagdeilda en við hvetjum frambjóðendur að gera það tímanlega. 
 
Fagdeild slökkviliðsmanna  
Kosning að lágmarki 2 aðilar og að hámarki 6 aðila á aðalfundi fagdeildar slökkviliðsmanna, skv. hefð, til tveggja ára. Formaður er sérstaklega kosinn á aðalfundi LSS. Þrír úr fagdeild slökkviliðsmanna hafa lýst því yfir að þeir munu ekki bjóða sig fram aftur. Heimilt er að bjóða sig fram í fagdeildir fram að aðalfundi fagdeilda en við hvetjum frambjóðendur að gera það tímanlega.  
 
Fagdeild stjórnenda  
Kosning 3ja aðila á aðalfundi fagdeildar stjórnenda til tveggja ára. Formaður er sérstaklega kosinn á aðalfundi LSS.  
 
Fagdeild neyðarvarða 
Kosning 3ja aðila á aðalfundi fagdeildar stjórnenda til tveggja ára.  
 
Framboðstilkynningar og tillögur um einstaklinga í embætti á vegum LSS þ.m.t stjórn fagdeilda skulu berast til uppstillingarnefndar skriflega eða í tölvupósti á netfangið gudmundura@lsos.is. Skv. 24.6 greinar laga LSS þá þurfa framboð í embætti til stjórnar LSS að berast uppstillingarnefnd hið fyrsta og eigi síðar en 35 dögum fyrir þing þ.e. 6 mars kl. 12:00. Uppstillingarnefnd sendir út framboðslista eigi síðar en fjórum dögum eftir að framboðsfresti lýkur.  
 
Fyrir þá sem huga að bjóða sig fram má finna í fylgiskjali 2 hvernig staðið verður að framboðinu af hálfu LSS og skilgreind hvaða þjónusta er í boði. 
  
Sérstök athygli er vakin á því að ekki er hægt að skila framboðum á þinginu sjálfu í embætti stjórnarmanna.  
 
Nánari upplýsingar veitir uppstillingarnefnd:  
 
Uppstillingarnefnd skipa:  
Bryndís Elva Bjarnadóttir, bryndiselvab@gmail.com s: 659 6758 
Sverrir Árnason, sverrira@shs.is s: 8683695 
Selma Friðriksdóttir, selma.fridriksdottir@hsu.is s: 845 5034 
 
Varamenn  
Kristján Karlsson, kristjankarls@gmail.com 
Jónas Árnason, jonasa@shs.is  
 
Fylgiskjal 1 – Starfslýsingar stjórnarmanna (Viðmið)  
 
Starfslýsingar stjórnarmanna úr starfsreglum stjórnar, samþykkt 29. október 2020 
  
3.1. Starfssvið ráða og stjórnarmanna LSS:  
 
3.1.1. Formaður LSS  
 
Er formaður stjórnar og málsvari allra félagsmanna í landinu. Formaður deilir verkefnum með stjórninni að því leyti sem það er ekki gert í lögum þessum. Hann stjórnar fundum stjórnar LSS. Formaður er jafnframt formaður fulltrúaráðs og kjararáðs. Formaður ber ábyrgð á stefnumótun LSS, sér um samskipti við fulltrúaráð og kjararáð er varðar málefni félagsins. Formaður fær greidd laun í hlutastarfi og er því virkur stuðningur við störf starfsfólks skrifstofu við dagleg störf og eru laun hans ákvörðuð af stjórn LSS hverju sinni. Formaður situr jafnframt í Lífeyrisnefnd.  
 
3.1.2. Varaformaður LSS  
Varaformaður gegnir störfum formanns í fjarveru hans. Hann ber m.a. ábyrgð á samskiptum stjórnar við félagsmenn, hann ber ábyrgð á undirbúningi og framkvæmd aðalþings og er stuðningur í kjaramálum við formann og framkvæmdastjóra. Hann ber ábyrgð á að starfsáætlanir séu gerðar og þeim sé fylgt eftir. Er fulltrúi stjórnar í nefnd um skyndihjálparmann ársins.  
 
3.1.3. Gjaldkeri LSS Gjaldkeri starfar í umboði stjórnar er tengiliður stjórnar við framkvæmdastjóra um daglegan rekstur LSS. Stjórnin ber ábyrgð á fjármálum félagsins, bæði tekjuöflun og ráðstöfun teknanna. Gjaldkeri ber ábyrgð á eftirliti með bókhaldi félagins og veitir framkvæmdastjóra, stjórn, nefndum og ráðum aðhald í fjármálum. Hann ber ábyrgð á endurskoðun félagsins. Hann ber ábyrgð á því að upplýsa stjórn reglulega um stöðu fjármála og fylgja eftir fjárhagsáætlun félagsins. Hann ber ábyrgð á koma með tillögur að nýjum fjáröflunarverkefnum fyrir félagið og framþróun þeirra. Hann er tengiliður við orlofsnefnd.  
 
3.1.4. Ritari LSS  
Ritari ber ábyrgð upplýsinga- og kynningarmálum LSS. Hann ber ábyrgð á ásýnd félagsins í ræðu og riti. Hann kemur með tillögur til stjórnar að nýjum samfélags- og þjónustuverkefnum sem eflir ímynd félagsins. Hann ber ábyrgð á uppfærslu og endurskoðun á lögum og reglugerðum LSS og kemur með tillögur til stjórnar þar um. Hann ber ábyrgð á ritun fundargerða stjórnar, fréttatilkynningum, ályktunum og öðru efni sem fer til félagsmanna eða opinberra aðila. Hann tryggir öflugt upplýsingaflæði til stjórnar, nefnda, fulltrúaráðs, kjararáðs og annarra félagsmanna með þeim verkfærum í samskiptum sem við notum hverju sinni, s.s. heimasíðu, tölvupósti, facebook ofl.  
 
3.1.5. Formaður fagdeildar sjúkraflutningamanna Formaður fagdeildar sjúkraflutningamanna ber ábyrgð allri fræðslu og viðburðum fyrir félagsmenn sem tengist sjúkraflutningum og utanspítalaþjónustu. Hann situr í fagráði Sjúkraflutningaskólans og fagráði sjúkraflutninga. Hann sýnir frumkvæði að uppfæra námskrá hans. Hann ber ábyrgð á samskiptum við alþjóðasamtök sjúkraflutningamanna og fylgist með þróun og nýsköpun í greininni og kemur á framfæri við Sjúkraflutningaskóla Íslands og rekstraraðilar sjúkraflutninga. Formaður leggur fram tillögur að verkefnum/ráðstefnu á Íslandi og þátttöku LSS í erlendum námskeiðum og viðburðum. Heldur utan um málefni utanspítalaþjónustu á Íslandi og faglegan aðbúnað sjúkraflutningamanna. Ber ábyrgð á að móta stefnu um vettvangsliða fyrir næstu kjarasamninga. Móta stefnu með félagastuðningi og sálgæslu félagsmanna.  
 
3.1.6. Formaður fagdeildar slökkviliðsmanna Formaður fagdeildar slökkviliðsmanna ber ábyrgð allri fræðslu og viðburðum fyrir félagsmenn sem tengist brunavörnum. Hann ber ábyrgð á samskiptum við alþjóðasamtök slökkviliðsmanna og fylgist með þróun og nýsköpun í greininni og kemur á framfæri við Brunamálaskóla Íslands og slökkviliðsstjóra landsins. Formaður ber ábyrgð á samskiptum við fulltrúa LSS í fagráði Brunamálaskólans. Formaður leggur fram tillögur að verkefnum/ráðstefnu á Íslandi og þátttöku LSS í erlendum námskeiðum og viðburðum. Ber ábyrgð á Eldvarnarvikunni, fylgist með málefnum Eldvarnarbandalagsins, heldur utan um faglegan aðbúnað slökkviliðsmanna og tengiliður við 112 daginn.  
 
3.1.7. Meðstjórnandi (kemur í stað formanns fagdeildar stjórnenda)
Nýtt í stjórn LSS og hefur stjórn LSS ekki skilgreint hlutverk hans.
  
3.1.8. Varamaður stjórnar LSS Situr stjórnarfundi í fjarveru stjórnarmanns sem nefnir eru hér að ofan. Þeir skulu boðaðir um leið og liggur fyrir að stjórnarmaður getur ekki mætt á fund. Þeir fá fundarboð, fundargerðir og önnur gögn sem stjórnarmenn fá þannig að þeir séu alltaf upplýstir um gang mála. 
 
Fylgiskjal 2 – Upplýsingar fyrir frambjóðendur  
 
Upplýsingar fyrir frambjóðendur  
 
Uppstillingarnefnd vill koma eftirfarandi á framfæri við frambjóðendur:  
Frambjóðendur sem bjóða sig fram munu hafa jafnan aðgang að fulltrúum LSS.  
Guðmundur Ásgeirsson, starfsmaður skrifstofu LSS, mun halda utan um framboð til embætta og taka við skilaboðum sem frambjóðendur vilja koma á framfæri á netfanginu gudmundura@lsos.is 
Frambjóðendur eru beðnir um að skila inn ferilskrá til að kynna sig og sína sýn á starfssemi LSS. Það er sent út fjórum dögum eftir að framboðsfrestur rennur út til fulltrúa LSS.  
Frambjóðendur fá símaskrá fulltrúa þannig að þeir hafi jafnan aðgang að þeim öllum.  
LSS setur upplýsingar um frambjóðendur á heimasíðu LSS fjórum dögum eftir að framboðsfrestur rennur út og setur link inn á fagdeildar síðurnar á facebook.  
LSS býður frambjóðendum að kynna sig á þinginu og sín málefni (3 mín á mann). Sérstaklega þar sem er mótframboð fyrir kosningar.  
Kostnaður vegna frambjóðenda sem eru í kjöri er ekki greiddur. (Heimsóknir, matur, akstur á framboðsfundi ofl.)  
Í meðfylgjandi skjali má finna starfslýsingar stjórnar fyrir þá frambjóðendur sem vilja bjóða sig fram til stjórnar LSS.  
 
Með fyrirfram þökk,  
 
Uppstillingarnefnd. 

 

Tilkynning frá uppstillingarnefnd LSS vegna 21. aðalþings LSS 2026 

Neyðarlínan heldur upp á 1-1-2 daginn þann 11. febrúar á hverju ári því að dagsetningin 11. 2. minnir okkur á neyðarnúmer allra landsmanna, 1-1-2. Það er mikilvægt að minna á þetta númer af því þetta er eina númerið sem landsmenn þurfa að þekkja í neyð.

Í ár minnumst við þess að 30 ár eru síðan samræmt neyðarsímanúmer var tekið upp á Íslandi og fyrsta símtalinu í 1-1-2 svarað 1. janúar 1996.

Neyðarverðir taka á móti öllum erindum sem berast 1-1-2 og vinna úr þeim. Þau veita stuðning og leiðbeiningar og sjá til þess að málin fari í réttan farveg.

Til þess að samstarf innhringjanda og neyðarvarðar gangi sem farsælegast er gagnlegt að vera viðbúinn að svara eftirfarandi spurningum þegar hringt er í 1-1-2.

Dagur íslenska táknmálsins er einnig haldinn hátíðlegur þann 11. febrúar ár hvert og verður dagskráin túlkuð á táknmáli.

Hvenær: Miðvikudaginn 11. febrúar 2025, kl. 15-18. Formleg dagskrá hefst kl. 17:00

Kl. 15.00-18.00 Neyðarverðir frá Neyðarlínunni verða á staðnum ásamt fulltrúum frá Rauði krossinum og Slysavarnarfélaginu Landsbjörg. Þá verður viðvera á staðnum frá Slökkviliði Höfuðborgarsvæðisins, Samfélagslögreglunni, Lífsbrú og fleirum.

Kl. 16.00-17.00 Björnis brunabangsi kíkir við

Framkvæmdarstjóri Neyðarlínu, Jón Svanberg Hjartarson veitir viðurkenningar

Verðlaun veitt í eldvarnargetraun Landssambands slökkviliðs- og sjúkraflutningamanna

Sjá nánari upplýsingar um viðburðinn á samfélagsmiðlum hér

Undanfarin tæp 6 ár hef ég notið þess heiðurs að starfa í stjórn LSS sem varaformaður og svo formaður. Á þessum tíma höfum við áorkar miklu og komið á töluverðum breytingum á starfi LSS þó svo að alltaf finnist einhverjir hnökrar annars lagið. Starf í stjórn LSS er alltaf unnið samhliða aðalstarfi og því munu breytingar á stjórn LSS alltaf eiga sér stað. Ég hef tekið að mér nýjar áskoranir hjá mínum vinnuveitanda SHS og mun því láta af störfum sem formaður LSS þann 1. mars næst komandi og býð mig því ekki fram til formans LSS á 21. þingi félagsins sem fer fram 10.-12. apríl næstkomandi. Fram að þingi mun því Sigurjón Bergsson varaformaður LSS taka við keflinu. Ég mun þó áfram vera félagsmaður í LSS og taka að mér einhverja vinnu þó ég sé ekki í forsvari fyrir félagið og sími, tölvupóstur og messanger alltaf virkt.

Um leið og ég þakka fyrir það traust sem mér hefur verið sýnt undanfarin ár vil ég hvetja þá félagsmenn sem hafa áhuga á að starfa fyrir félagið til að leggjast undir felld og skoða hvort kjara- og réttindamál sé eitthvað sem henti þeim en uppstillinganefnd mun á næstu dögum auglýsa eftir framboðum til stjórnar LSS.

Mánudaginn 2. febrúar kl: 17:00 mun LSS standa fyrir fræðslufundi með Dr. Ricardo Weewer.
Ricardo er prófessor í slökkvifræðum við slökkviliðsskólann í Hollandi og einn af upphafsmönnum fjórðunsmódelsins (e. The Quadrant Model)
Hann hefur einnig verið leiðandi í breyttri nálgun á slökkvistörfum vegna bruna í íbúðarrýmum.
Fræðslan mun fara fram á teams og öllum opin.

[https://teams.microsoft.com/meet/34757719559249...]

Forvarnaþjónusta VIRK – Fyrir einstaklinga á vinnumarkaði  


Forvarnaþjónustan er ný þjónustuleið hjá VIRKætluð fólki á vinnumarkaði sem finnur fyrir erfiðleikum í starfi og minni vinnugetu.  

Forvarnaþjónustan er einstaklingsmiðuð og veitt samhliða vinnu. Þau sem þiggja þjónustuna fá aðgang að faglegri ráðgjöf og úrræðum með það að markmiði að auka vellíðan í starfi og draga úr líkum á brottfalli af vinnumarkaði.

Einstaklingar geta sjálfir sótt um og fengið aðgengi að þjónustunni að uppfylltum vissum skilyrðum. Ekki þarf að vera til staðar staðfestur heilsubrestur þar sem hér er ekki um starfsendurhæfingu að ræða heldur nýja þjónustuleið hjá VIRK.  

Starfsfólk og stjórnendur geta haft samband við forvarnaráðgjafa auk þess að hægt er að óska eftir kynningu frá forvarnasviði VIRK með því að senda póst á forvarnir@virk.is

Ný þjónusta fyrir fólk á vinnumarkaði sem upplifir erfiðleika og minni vinnugetu – Kynntu þér forvarnaþjónustu VIRK!

·       2 íbúðir að Skálatúni 33, Akureyri

·       1 íbúð Grandavegur 42, Rvk. 

·       1 íbúð á Spáni Torrevieja

Sumarleigutímabil er frá 1.maí til 28. ágúst

·       Grandavegur helgi kr. 24.000 og virkir dagar kr. 7.000 pr.nótt

·       Spánn kr. 85.000,- + 15.000,- þrifgjald 

Hægt að sækja um með því að fara inn á orlofssíðu LSS: www.orlof.is/lsos til og með 6. febrúar n.k. 

Skrifstofa félagsins er opin frá kl. 9:00-12:00 alla virka daga og 13:00-15:00 (mán-fim),  sími 562-2962.

Umsóknarfrestur er til 6. febrúar og úthlutun fer fram 9. febrúar.

Póstur þessi er sendur til þeirra stéttarfélaga innan ASÍ eða BSRB sem eru líkleg til að vera með félagsmenn á Reykjanesi

Þar sem nú styttist í úthlutun nr. 2 vegna verkefnisins í Trölladal þá viljum við á ný vekja athygli á íbúðum sem nú eru í byggingu á okkar vegum í Trölladal, Reykjanesbæ.

Okkur þætti vænt um ef þið gætuð látið ykkar félagsmenn á svæðinu vita en það er mikilvægt að þeir sem þarna eiga rétt séu örugglega upplýstir um málið.

Meðfylgjandi er t.d. auglýsing sem væri gaman ef þið gætuð birt á ykkar heimasíðum eða vakið athygli á með öðrum hætti.

Þá er alltaf velkomið að heyra í okkur ef þið eruð með spurningar sem við gætum svarað.

Áætlað er að fyrstu íbúðir verði tilbúnar í júlí 2026 og svo næst í október 2026. Sjá frekari upplýsingar um úthlutun og upphaf leigu hér.

Íbúðirnar eru 2ja, 3ja, 4ra og 5 herbergja. Gæludýrahald er heimilt í íbúðum á jarhæðum, sjá nánar reglur Bjargs um gæludýrahald hér.

Vekjum athygli á nýjum leiguíbúðum Bjargs íbúðafélags í Trölladal, Reykjanesbæ

Kæru félagsmenn Landssambands slökkviliðs- og sjúkraflutningamanna

Það er alveg magnað hvað tíminn líður orðið hratt hjá okkur og í minningunni ekki svo langt síðan ég skrifaði síðasta annál fyrir LSS.

Árið 2025 hefur líkt og önnur ár verið viðburðaríkt en kjarasamninga viðræður yfirtóku að miklu leiti árið, bæði viðræðurnar sjálfar en ekki síður eftirfylgni. Stefna LSS síðustu ár hefur verið að efla starfsemi félagsins, ekki bara hvað varðar réttindavörslu heldur einnig félagslega viðburði og fræðslu en það tókst ágætlega í ár og vonandi náum við að gera enn betur á komandi árum. Eins og búast má við lendir meiri hluti þessarar vinnu á skrifstofu LSS sem stendur sig vel eins og alltaf en einnig hafa nokkrir félagsmenn lagt lóð á vogarskálarnar og eiga þeir bestu þakkir skilið.

Á nýju ári blasa svo við bæði áskoranir og ný tækifæri fyrir félagið og okkar félagsmenn. Landssambandið mun áfram vinna ötullega að því að standa vörð um réttindi félagsmanna, bæta starfsumhverfi og gera sitt til að efla faglegt starf slökkviliðs- og sjúkraflutningamanna um land allt. Okkar störf eru einn að máttarstólpum íslensks samfélags, samstaða okkar og fagmennska er styrkur og með henni náum við árangri í okkar störfum.


Stjórn og skrifstofa LSS óskar félagsmönnum gleðilegs nýs árs og þakkar fyrir samstarfið á árinu.

Þann 5. febrúar undirritaði LSS kjarasamning við Samband íslenskra sveitarfélaga en sá samningur var feldur í atkvæðagreiðslu félagsmanna en munurinn var ekki mikill. Farið var í að greina meðal félagsmanna hvar óánægjan lág og var á endanum undirritaður nýr kjarasamningur þann 24. mars en sá samningur var svo samþykktur af félagsmönnum. Samningurinn er á svipuðum nótum hvað varðar laun og aðrar stéttir höfðu gert á undan LSS. Það náðust þó nokkrar sér breytingar t.d. með meðaltals vaktaálag hjá Slökkviliði Akureyrar og Reykjavíkur. Einnig var samhliða undirritaðir tveir vinnustaðasamningar sem snéru að sérmálum.

Samningaferlið við ríkið var á svipað leið en samningur sem var undirritaður 3. október 2024 var felldur af félagsmönnum og við tók langt ferli við að ná viðunandi samningur. Það var svo ekki fyrr en 4. apríl að nýr kjarasamningur var undirritaður en þetta langa ferli skilaði okkur tímamóta samning þar sem laun sjúkraflutningamanna hjá ríkinu voru bætt verulega. Til að mynda hækka lægstu laun hjá hlutastarfandi sjúkraflutningamanni með grunnmenntun um allt að 30% á samningstímanum.

Samningaviðræður fyrir stjórnendur tók einnig langan tíma og endaði hjá Ríkissáttasemjara líkt og fyrri tvær samningarnir. Loksins var svo samningur undirritaður 10. júní og er launaliðurinn í samræmi við aðra samninga.

Neyðarlínan heldur hátíðlega 1-1-2 daginn og fer hann fram 11. febrúar ár hvert og að þessu sinni var hátíðin haldin í bílasal Slökkviliðs höfuðborgarsvæðisins. LSS hefur afhent verðlaun í Eldvarnargetraun félagsins á sama tíma fyrir þau börn sem starfa á höfuðborgarsvæðinu og afhentu Bjarni Ingimarsson formaður LSS og Jón Viðar Matthíasson börnunum verðlaun. Félagar okkar á landsbyggðinni heimsóttu svo þau börn sem fengu verðlaun höfuðborgarsvæðisins en Neyðarlínan styrkir verkefnið með kaupum á vinningum.

Aðalfundur LSS er haldinn annað hvert ár það er árið sem ekki er haldið þing og er helsti vettvangur stefnumála LSS á milli þinga. Fundurinn var haldinn í sal BSRB á Grettisgötu en einnig er fulltrúum boðið upp á afþreyingu og mat enda mikilvægt að ná saman félagslega.

Að vanda var gengið með fána LSS í kröfugöngu 1. maí í Reykjavík en LSS gengur allan jafnan með öðrum BSRB félögum. Mætingin undanfarin ár hefur verið döpur og varð lítil breyting á þetta árið en 5 félagsmenn LSS mætu og gegnu frá Skólavörðuholti og niður á Ingólfstorg þar sem baráttufundur verkalýðsins var haldinn líkt og síðustu ár.

Á 50 ára afmæli LSS þann 12.maí hafa félagsmenn sem unnið hafa ötull starf fyrir LSS heiðraðir.  Árið 2023 voru kjörnir formenn félagsins heiðraðir og árið 2024 voru það varaformenn félagsins. Nú var komið að heiðra aðra kjörna stjórnarmenn LSS.  Þeim var fært silfur merki félagsins en einnig fengu nokkrir fyrrum stjórnarmenn gullmerki.  Vegna fjölda stjórnarmanna var ákveðið að færa afmælisfagnaðinn á Hótel Reykjavík Natura.

Fagdeild slökkviliðsmanna stóð fyrir tveimur námskeiðum hjá Holmatro í Hollandi í samstarfi við Eldvarnamiðstöðina og fór 10 félagsmenn út í hvorum hóp. Námskeiðið tókst einstaklega vel til og er stefnir fagdeildin á að fara aðra ferð á næsta ári.

Undan farin ár hefur LSS leigt íbúð á Spáni sem félagsmenn hafa geta endurleigt. Íbúðin hefur verið vel sótt yfir sumartímann en LSS hefur leigt íbúðina frá maí og út október. Eigendur íbúðarinnar ákváðu á vordögum að selja eignina og í sumar náðist svo samkomulag um kaupverð sem LSS gat sætt sig við og hefur félagið nú gengið frá kaupum á eigninni. Íbúð á Spáni verður því í boði fyrir félagsmenn næstu árin en gert er ráð fyrir að sumarleiga verði í kringum 80 þ. fyrir vikuna + þrif og vetrar leigan um 50 þ. fyrir vikuna + þrif. Við vonum að þessi nýja eign komi til með að falla í kramið hjá félagsmönnum.

Orlofssjóður hefur haldið áfram að taka bústaðina í Munaðarnesi í gegn og er meðal annars kominn nýr vegur að bústöðunum sem auðveldar allt aðgengi en nú er hægt að komast að bústöðunum að ofanverður. Stefnt er að því að taka rafmagnið í gegn strax á nýju ári og þá verðum við komin með tvo bústaði sem hafa fengið gott viðhald síðustu tvö árin.

Námsstefnan Á vakt fyrir Ísland 2025, var haldin í 5. sinn dagana 17.-18. október.  Fjölbreytt dagskrá var í boði með fræðandi erindum, bæði innlendum og erlendum.  Það var síðan boðið upp á 3 fagnámskeið þann 16. október sem fagdeildir innan LSS sáu um.  Fyrir fagdeild slökkviliðsmann var Lars Axelsson sem námskeið um mikilvægi ákvarðanatöku, fyrir fagdeild sjúkraflutningamanna var það Christina Martina sem fjallaði um sérhæfða flutninga í bráðaþjónustu og fyrir hönd fagdeildar neyðarvarða var það Toni Alantolo sem fjallaði um finnskan björgunarskólann og nám neyðarvarða. Frívaktin var síðan haldin í bílasal SHS á föstudagskvöldinu þar sem boðið var upp á hamborgara og drykki.

Landsmót LSS í golfi fór fram á Hamarsvelli í Borgarnesi föstudaginn 5. september í blíðskapar veðri þó veðurspáin hafi ekki lofað góður. Tæplega  50 manns voru skráðir til leiks að þessu sinni sem er besta mæting á golfmót LSS undanfarin ár og vonandi náum við að halda áfram að efla golfmótið enda stór félagslegur þáttur í starfi LSS. Félagar okkar í Neista í Borgarnesi aðstoðuðu okkur að þessu sinni og eiga þau bestu þakkir skilið en lokahófið fór fram á slökkvistöðinni í Borgarnesi. Hörð barátta var eins og svo oft áður en þó kom Gylfi Dagur frá SHS sá og sigraði en hann hlaut flestu verðlaunin að þessu sinni.

1.      sæti SHS A-sveit Pálmi, Gylfi Dagur, Bjarni, Breki

2.      sæti SHS B-sveit Jón Heiðar, Áki, Finnur, Lárus

3.      sæti BÁ-uppsveitir Daníel, Árni Ben, Eyjólfur Óli, Anton Karl

3.      sæti Slökkvilið Akureyrar Gunnar Rúnar, Maron Berg, Gestur Snær, Guðmundur Smári

1.      sæti Gylfi Dagur – SHS                

2.      sæti Pálmi Hlöðversson – SHS

2.      sæti Þorvaldur Hjaltason – Slökkvilið Borgarbyggðar/HVE

3.      sæti Bjarni Ingimarsson – SHS

Félagar okkar hjá Slökkviliði Akureyrar tóku að sér að skipuleggja Landsmót LSS 2026 og er sú vinna nú þegar farin af stað og verður dagsetningin auglýst þegar nær dregur.

Í lok október urðu mannabreytingar á skrifstofu LSS þegar Guðmundur Þór lét af störfum hjá félaginu en nú þegar stendur yfir leit að nýjum starfsmanni. Sú vinna  mun vonandi skila okkur nýjum og öflugum starfsmanni í byrjun árs.

Í byrjun árs var tók stjórn LSS ákvörðun um að uppfæra Eldvarnarátak LSS og var Bjarni Fritzson og Þorvaldur Gunnarsson fengnir til lið við okkur en þeir eru helst þekktir fyrir barnabækurnar um Orra óstöðvandi og Möggu Messí.

LSS opnaði Eldvarnaátakið 20. nóvember í Heiðarskóla í Hvalfjarðarsveit.  Höfundur bókarinnar Bjarni Fritz mæti og las upp úr bókinni fyrir krakkana.

Um 5.000 börn fengu fræðslu um allt land og má segja að nýja efnið um Orra óstöðvandi og Möggu Messí hafi slegið í gegn.  LSS hélt fund með öllum slökkviliðsstjórum þar sem við kynntum nýja efnið ásamt að uppfæra og senda þeim leiðbeiningar og glærur sem notast var við fræðsluna. Öll börnin fengu bókina ásamt buffi, endurskinsmerki og þrautar/litabók. 

Teiknimyndinni seinkaði örlítið, en börn á landsbyggðinni fengu að sjá hana en börnin á höfuðborgarsvæðinu ekki, þar sem SHS byrjar fræðsluna fyrr en aðrir vegna fjölda barna á höfuðborgarsvæðinu.

Það er óhætt að segja að það var löngu tímabært að endurnýja fræðsluefnið. Við á skrifstofunni höfum fengið símhringingar þar sem foreldrar vilja kanna hvort hægt sé að kaupa bókina til að gefa í jólagjöf !

LSS óskar félögum og landsmönnum öllum gleðlegra jóla og farsældar á komandi ári.  Skrifstofan verður lokuð frá 23.desember til og með 6.janúar 2026.  

LSS óskar félögum og landsmönnum öllum gleðlegra jóla og farsældar á komandi ári.  Skrifstofan verður lokuð frá 23.desember til og með 5.janúar 2026.  

Páskaleigutímabil er frá 31.mars - 7.apríl 2026

·      Leiguverð innanlands kr. 35.000,-

·      Leiguverð Spánn kr. 85.000,- (bætist við 15.000-kr þrifgjald)

Félagsmenn sækja um í gegnum mínar síður á heimasíðu félagsins frá 16.desember. 

Umsóknarfrestur er til 31. desember og úthlutun fer fram 3.janúar 2026.

Ævintýri Orra óstöðvandi og Möggu Messí

Björnis fór í heimsókn til Boga Ágústsonar og Sögu Garðarsdóttur, hann fékk að taka út brunavarnir á heimilinu og prufa reykskynjarana á heimilinu. Bjössi hafði einnig góðan fylgdarmann, Elva frá SHS fylgdi honum aðstoðaði hann í úttektinni

1.des er dagur reykskynjarans - munið að skipta um rafhlöðu einu sinni á ári og að prófa skynjarann reglulega.

Opnað hefur verið fyrir umsóknir í Genfarskólann 2026. Umsóknarfrestur er til 10. desember.

Um er að ræða spennandi tækifæri fyrir virka félagsmenn í stéttarfélögum, starfsfólk þeirra og kjörna fulltrúa til að dýpka þekkingu sína á alþjóðamálum verkalýðshreyfingarinnar og fá innsýn í starf Alþjóðavinnumálastofnunarinnar (ILO).

Þátttakendur hitta starfsfólk og aðra sérfræðinga úr verkalýðshreyfingunni frá öllum heimshornum á ráðstefnu Alþjóðavinnumálastofnunarinnar (ILO) í Genf í júní 2025.

Námið er ætlað virkum félögum eða starfsfólki í verkalýðsfélögum frá öllum Norðurlöndunum.

Hvað er Genfarskólinn?
Genfarskólinn (Geneva School) hefur verið haldinn allt frá árinu 1931 í tengslum við árlega þing Alþjóðavinnumálastofnunarinnar (ILO) í Genf til að fræða þátttakendur um störf ILO, alþjóðlegan vinnurétt og réttindi starfsmanna. Markmið námskeiðsins er að styrkja þekkingu á hlutverki ILO og alþjóðasamningum sem vernda starfsmannaréttindi, og stuðla að betri kjörum og vinnuaðstæðum um allan heim í gegnum samvinnu á alþjóðavettvangi. Genfarskólinn hefur þannig gegnt mikilvægu hlutverki í að fræða og efla leiðtoga verkalýðshreyfinga á heimsvísu.

Skipulag námsins
Námið fer fram í þremur lotum og er gerð krafa um þátttöku í þeim öllum.

Fornámskeið í Runö, Svíþjóð: 23.-26. apríl.

Hópverkefni og fjarnámsfundir á vorönn (unnin milli fyrstu og þriðju lotu).

Aðalnámskeið í Genf samhliða ILO þingi, 28. maí – 14. júní.  Þingið er dagana 1.-12. júní).

Námið er í formi fyrirlestra, fjarnáms, hópastarfs og þátttakendur fylgjast með fundum Alþjóðavinnumálaþingsins. Gott vald á einu norðurlandamáli (ensku, dönsku, sænsku) og góð enskukunnátta eru nauðsynleg fyrir þátttakendur.

Ísland á tvö sæti í Genfarskólanum, eitt fyrir fulltrúa ASÍ og annað fyrir fulltrúa BSRB. Umsækjendur eru valdir með tilliti til fyrri reynslu og þekkingar á verkalýðsmálum.

Kynningarfundir fyrir þátttakendur verða haldnir í mars þar sem farið verður nánar yfir fyrirkomulag.

Kostnaður
Námskeiðsgjöld, gisting og flugfargjöld eru greidd fyrir þátttakendur.

Runö: gisting í einstaklingsherbergi í Runö ásamt fæði.

Genf: gisting í sameiginlegu tveggja manna herbergi (með öðrum þátttakanda) með einföldu morgunverðarboði á meðan dvöl stendur yfir í Genf.

Annar kostnaður er t.d. ferða- og fæðiskostnaður í Genf, sem gera má ráð fyrir. Ekki eru greiddir dagpeningar meðan á dvölinni stendur, en greiddur er út styrkur, að upphæð 135 þúsund, til að mæta kostnaði.

Hvernig sæki ég um?
Smelltu hér: https://forms.gle/zouTgeNwRgGzrrrs5

Genfarskólinn 2026: Opið fyrir umsóknir til 10. desember

Hér má lesa skemmtilega umfjöllun um opnun Eldvarnaátaksins.

Slökkviliðin og vin­sæll barna­bóka­höfundur leiða saman hesta sína - Vísir

Slökkviliðin og vin­sæll barna­bóka­höfundur leiða saman hesta sína

Starfslýsing sérfræðings í kjara- og réttindamálum

Landssamband slökkviliðs-og sjúkraflutningamanna (LSS) leitar eftir að ráða sérfræðing í kjara- og réttindamálum til starfa á skrifstofu félagsins í Reykjavík. Leitað er eftir áhugasömum einstakling með jákvætt viðmót og góða þjónustulund sem er tilbúin að leysa úr krefjandi verkefnum á sviði kjaramála. Hjá LSS eru 2 stöðugildi í fullu starfi og því þörf á skipulögðum og drífandi einstakling sem er fær um að vinna þau verkefni sem til falla. Sérfræðingur í kjara- og réttindamálum starfar skv. skipuriti LSS og starfar þannig náið með stjórn LSS.

https://alfred.is/starf/serfraedingur-i-kjara-og-rettindamalum


Sérfræðingur í kjara og réttindamálum

Eldvarnaátak slökkviliðsmanna um allt land er fram undan:

Slökkviliðsmenn brýna fyrir fólki að efla eldvarnir á heimilunum

Eldvarnaátak Landssambands slökkviliðs- og sjúkraflutningamanna hefst með heimsókn Slökkviliðs Akraness og Hvalfjarðarsveitar í Heiðarskóla, Hvalfjarðarsveit miðvikudaginn 20. nóvember kl. 10. Þar munu Sigríður Lára skólastjóri mun setja viðburðinn. Bjarni Ingimarsson, formaður LSS ræðir við krakkana um mikilvægi eldvarna.  Bjarni Fritzson rithöfundur mun lesa upp úr nýrri bók um Orra óstöðvandi og Möggu Messí þar sem þau lenda í ýmsum ævintýrum sem snýr að eldvörnum. Þá fer fram rýmingar- og björgunaræfing. Í lokin fá starfsfólk og gestir þjálfun í notkun slökkvibúnaðar.

Slökkviliðsmenn um allt land taka í kjölfarið þátt í átakinu sem beinist að því að efla eldvarnir á heimilum til að vernda líf, heilsu og eignir fólks.

Slökkviliðin heimsækja grunnskóla landsins og beina fræðslu um eldvarnir að nemendum í 3. bekk grunnskóla og fjölskyldum þeirra. Lögð er áhersla á að heimili séu búin eldvarnabúnaði á borð við reykskynjara, slökkvitæki og eldvarnateppi:

·         Best er að hafa reykskynjara í öllum rýmum.

·         Slökkvitæki á að vera við helstu flóttaleið.

·         Eldvarnateppi á að vera á sýnilegum stað í eldhúsi.

·         Tryggja þarf öllum á heimilinu að minnsta kosti tvær flóttaleiðir.

·         Allir þekki neyðarnúmerið, 112, líka börnin.

·         Brýnt er fyrir börnunum að fara varlega með kertaljós og annan opinn eld og gæta þess að hlaða snjalltæki og rafhlaupahjól aðeins í öruggu umhverfi.

Samkvæmt könnunum sem Gallup hefur gert fyrir Eldvarnabandalagið eru heimilin í landinu mjög misjafnlega vel varin gagnvart eldsvoðum. Almennt sýna kannanir að heimilin efla eldvarnir jafnt og þétt. Frá þessu eru þó mikil frávik:

·         Fólk á aldrinum 25-34 ára er mun ólíklegra en aðrir til að hafa eldvarnateppi og slökkvitæki á heimilinu.

·         Eldvarnir í fjölbýlishúsum eru lakari en almennt gerist og þá sérstaklega í stærri fjölbýlishúsum.

·         Íbúar í leiguhúsnæði eru mun verr búnir undir eldsvoða en aðrir.

Helstu styrktaraðilar Eldvarnaátaksins eru Húsnæðis- og mannvirkjastofnun, 112, Eignarhaldsfélagið Brunabótafélag Íslands, Slökkvilið höfuðborgarsvæðisins og önnur slökkvilið í landinu.

Landssamband Slökkviliðs og sjúkraflutningamanna auglýsir hér með hópferð á Rauða Hanann í Hannover 2026. Ferðatilhögun er að flogið verður út 1 júní til Frankfurt og svo heim aftur 5 júní.  Gist verður á Congress Hotel Hannover sem er staðsett rétt austan megin við miðbæinn það tekur smá tíma að taka lestina á sýningarsvæðið. 

Þessi ferð er bæði hugsuð fyrir slökkviliðs-/sjúkraflutningamenn sem eru í aðal- og hlutastarfi.

Ferðin kemur til með að kosta ca. 265.000.- (miðað við gengi dagsins í dag). Innifalið í því er flug, rúta, hótel með morgunmat, miðar inná sýningarsvæðið og kvöld matur 1 kvöld.  Starfsmenntunarsjóðurinn mun greiða ferðina niður um 160.000.- á einstakling í aðalstarfi og fyrir þá í hlutastarfi sem greiða 10.000.- eða meira, líkt og reglur sjóðsins segja til um. Hægt er að skoða reglur sjóðsins á slóðinni Starfsmenntunarsjóður — Lsos.is

Umsókn skal útfyllast á eftirfarandi formi.

Frekari upplýsingar eru gefnar upp í larusbj@lsos.is eða í síma 897-2952

1.      Sætin skiptast 50 í aðalstarfi og 25 í hlutastarfi nái annar hópurinn ekki að uppfylla í fyrstu umferð þá mega sætin færast á milli flokka.

2.      Þeir sem ekki hafa farið síðustu 2 skipti fá fyrst úthlutað sætum.

3.      Dregið úr potti ef fjöldinn er enn þá of mikill. ( að viðstöddum fulltrúa skrifstofu LSS)

4.      Starfsmenntunarsjóður styrkir hvern einstakling í fullu starfi um 160.000 en hlutastarfi um 160.000 fyrir þá sem borga meira en 10.000 í sjóðinn síðasta árið og minna eftir því sem greiðsla til sjóðsins er minni saman ber reglur Starfsmenntunarsjóðs.

5th International Conference on Emergency Medicine and Critical Care 

September Oslo (Dagsetning og nánari uppl. kemur síðar)

September  Breda (Fagdeild slökkviliðsmanna – dagsetning og nánari uppl. kemur síðar)

Guðmundur Þór hefur látið af störfum hjá LSS eftir tæplega þriggja ára starf og þakkar félagið honum fyrir hans framlag til félagsins. LSS mun á næstuni hefja leit af nýjum starfsmanni og munu Guðrún og Bjarni taka við verkefnum Guðmundar. Fyrirspurnir vegna kjaramála má senda á lsos@lsos.is

Verið er að pakka öllum gögnum fyrir Eldvarnaátak 2023 og eiga slökkviliðin á landinu öllu von á sendingu frá LSS í næstu viku.

Skráðu þig á pístlista LSOS og fáðu reglulega tilkynningar um viðburði, styrktarumsóknir og fleira sem tengist starfinu

Flýtileiðir

Fréttir

Eldvarnaátak 2023

Nóg um að vera

Viðburðir á döfinni

Fréttabréf LSOS