Seinni partinn í gær undirritaði LSS samning við Samband íslenskra sveitarfélaga fyrir stjórnendur slökkviliða. Samningurinn er á sömu nótum og aðrir samningar sem gerðir hafa verið. Stefnt er á að kynna kjarasamninginn á teams mánudaginn 16. júní en atkvæðagreiðsla verður rafræn frá 16. júní til kl. 11 fimmtudaginn 19. júní.

Undirritaður kjarasamningur verður settur inn á mínar síður á heimasíðu LSS þar sem hægt er að skrá sig inn með rafrænum skilríkum og skoða samninginn.

Skrifstofa LSS er lokuð frá og með 8.júlí - 7.ágúst vegna sumarleyfa starfsmanna.

Í neyðartilfellum vegna kjaramála er hægt að ná í Bjarna í síma: 699-4159, netfang: bjarni@lsos.is

Ráðstefnur og sýningar tengdar slökkvi- og björgunarstörfum erlendis

Interschutz í Hannover – Rauði haninn (Hópferð á vegum Starfsmenntasjóðs)

Vöru- og tækjasýning sem hefur verið haldin á fimm ára fresti en breyting varð á í kringum Covid.  Hefur verið sótt reglubundið af LSS með þátttöku á landsvísu.  Stórt svæði bæði utan- og innandyra.  Var haldin 2022 og verður næst haldin 2026.  Er haldin snemma í júní oftast nær.  LSS sér um skipulag fyrir ferðina.  Oft hefur verið flogið til Frankfurt og tekin rúta til Hannover.  Innan borgarinnar er mjög þægilegt sporvagnakerfi sem liggur að sýningarhöllinni.

https://www.interschutz.de/en/about-us/interschutz-events-worldwide/

Lykilviðburður fyrir stjórnendur og yfirmenn í slökkviliðum með áherslu á leiðtogafærni, breytingastjórnun og nýjustu tækni í brunavörnum.

https://www.iafc.org/events/event/2025/08/13/default-calendar/fire-rescue-international-2025

Ráðstefna haldin í Indiana Convention Center og Lucas Oil Stadium.  Vöru- og tækjasýning tengd ráðstefnu, töluvert af námskeiðum fyrir ráðstefnuna þar sem saman koma helstu fræðingar í slökkvi- og björgunarstörfum Norður-Ameríku.  Þetta er haldið í Indianapolis upp úr miðjum apríl ár hvert.  Tengt ráðstefnunni og sýningunni eru hótel á fjórum svæðum þaðan sem er boðið upp á rútuferðir inn í miðbæinn og í sýningarhöllina.  Um 75 námskeið eru haldin á undan og á meðan ráðstefnunni stendur, yfir 250 fyrirlesarar og oftast nálægt 34.000 gestir sem koma.  Til að komast til Indianapolis má fljúga til tengipunkta íslensku flugfélaganna og svo með innanlandsflugi til Indianapolis.  Eitt af hótelsvæðunum er í 5 mínútna aksturfjarlægð frá flugvellinum og hótelin bjóða upp á skutluþjónustu til og frá flugvellinum, það þarf bara að hafa samband og biðja um þjónustu.  Munið að vera með eitthvað af dollurum til að gefa í þjórfé.  Hægt er að sækja app FDIC þar sem hægt er að skipuleggja sig varðandi hvaða fyrirlestra hver og einn vill sækja.

Kostnaður við að fá passa á alla fyrirlestra og sýninguna er rétt um $800. 

F jölbreytt námskeið og fyrirlestrar fyrir bæði faglærða og sjálfboðaliða í slökkviliðum, með áherslu á nýjustu strauma í brunavörnum.

https://vfca.us/virginia-fire-rescue-conference/

Ráðstefna með áherslu á menntun, tækni og nýjungar í brunavörnum, með sýningum og verklegum æfingum.

https://www.southatlanticfirerescueexpo.com/

Sérstök áhersla á leiðtogafærni fyrir sjálfboðaliða og blönduð slökkvilið, með tækifærum til netagerðar og þekkingarmiðlunar.

https://www.iafc.org/events/event/2025/11/13/default-calendar/symposium-in-the-sun-2025

Ráðstefna og sýning sem tekur yfir ansi margt varðandi eldvarnir, en er ekki eingöngu fyrir slökkvilið, heldur líka hönnuði eldviðvörunar- og slökkvikerfa.  Eins eru þarna framleiðendur og söluaðilar á alls kyns þjálfunarbúnaði, hugbúnaði og fleiru.

Árleg ráðstefna og sýning fyrir neyðarþjónustu í Bretlandi með yfir 500 sýnendur og 16.000 gesti. Fjallar um nýjustu tækni og lausnir fyrir slökkvilið, lögreglu og sjúkraflutninga.

Ráðstefna og sýning haldin á Thon Congress Hotel við Gardemoen og fer fram í endaðan september ár hvert.

Þarna koma söluaðilar búnaðar og tækja til að kynna sig og sínar græjur, eins eru fyrirlestrar og fræðsla en það fer allt fram á norsku.  Það er frekar einfalt að komast þangað, flug til Gardemoen og leigubíll á hótelið. 

CTIF – The International Association of Fire Services

Nokkrar ráðstefnur ætlaðar slökkviliðum og slökkviliðsmönnum, þar sem lögð er áhersla á öryggi og bætta heilsu en samtökin hafa verið til frá árinu 1900.  Eins eru haldin námskeið og ráðstefnur um ákveðin málefni, s.s. gróðurelda.  Frekari upplýsingar má finna á vefsíðu samtakanna.

Alþjóðleg sýning og ráðstefna með áherslu á vinnuvernd og öryggi, þar á meðal brunavarnir. Haldið annað hvert ár og dregur að sér yfir 2.000 sýnendur og tugþúsundir gesta. Á ráðstefnunni verður fjallað um krabbamein meðal slökkviliðsmanna

Ráðstefna og sýning með áherslu á brunavarnir, brunaviðvörunarkerfi og nýjustu tækni í brunavörnum. Fjölbreytt dagskrá með fyrirlestrum og sýningum.

https://www.firesafetysearch.com/vds-firesafety-cologne/

Sérhæfð sýning og ráðstefna með áherslu á brunavarnir og öryggi á vinnustöðum. Frábær vettvangur fyrir slökkviliðsmenn og öryggisstjóra til að kynna sér nýjustu lausnir og taka þátt í fræðsluviðburðum.

Alþjóðleg sýning og ráðstefna með áherslu á slökkviliðsbúnað, björgunartæki og neyðarviðbrögð. Haldið annað hvert ár og dregur að sér fagfólk frá Póllandi og Evrópu.

SFPE European Conference & Expo on Fire Safety Engineering

Tæknileg ráðstefna skipulögð af Society of Fire Protection Engineers (SFPE) með áherslu á brunahönnun og verkfræði. Fjölbreytt dagskrá með fyrirlestrum, málstofum og sýningum á nýjustu lausnum í brunavörnum.

Ein stærsta alþjóðlega sýning Evrópu á sviði öryggis og brunavarna. Yfir 500 sýnendur kynna nýjustu lausnir í brunaviðvörun, slökkvibúnaði, aðgangsstýringu og snjallkerfum. Viðburðurinn er haldinn annað hvert ár og dregur að sér fagfólk frá öllum Evrópu.

The Fire Service College – Moreton-in-Marsh

Rótgróinn skóli í Englandi sem íslenskir slökkviliðsmenn hafa sótt í gegnum árin.  Mikið af góðum námskeiðum í boði.

Slökkvi- og björgunarskóli á Ítalíu,

Nánar tiltekið í Suður-Týról, talsvert af áhugaverðum námskeiðum í boði.

Slökkvi- og björgunarskóli í Finnlandi, í Kuopio. 

F.I.E.R.O. eru með ýmsar ráðstefnur tengdar hreinlæti og þrifum á búnaði, hönnun á slökkvistöðvum og svo framvegis.

https://www.fieroonline.org/symposia-and-workshops

LSS hvetur félagsmenn hafa upplýsingar um fleiri viðburði til að setja á listann má senda það á Bjarna Ingimarsson formann LSS, netfang: bjarnii@lsos.is 

Fréttablaðið Á vakt fyrir Ísland 2025 er komið út.  Líkt og síðustu ár er blaðið gefið út rafrænt.  Lesa má blaðið hér.

Á vakt fyrir Ísland - fréttablað 2025

Atkvæðagreiðslu um kjarasamning LSS fyrir stjórnendur slökkviliðs og SÍS lauk núna kl. 11 og var hún rafræn og framkvæmd af AP media.

Á kjörskrá voru 29 eða þeir stjórnendur sem falla undir 1. gr. laga nr. 94/1986 um kjarasamninga opinberra starfsmanna.

Niðurstöður atkvæðagreiðslu um kjarasamning stjórnenda

Nú þurfum á ykkar hjálp að halda. Við viljum biðja ykkur að taka þátt í könnun um stöðu ykkar. Það tekur stuttan tímaog öll sem vilja komast í pott og geta unnið 40.000 króna gjafakort.

Könnunin er á vegum Vörðu –Rannsóknastofnunar vinnumarkaðarins og er nú lögð fyrir fimmta árið í röð.Könnunin er mikilvægur liður í upplýsingaöflun um stöðuna á vinnumarkaði, sér ílagi varðandi fjárhagsstöðu og heilsu. Niðurstöður hennar munu hjálpa okkur viðað greina stöðu launafólks á Íslandi og berjast fyrir betri lífsskilyrðum.

Það tekur aðeins um 15 mínútur að svarakönnuninni og ekki er hægt að rekja svör til einstaklinga. Spurt er umfjárhagsstöðu, líðan, heilsufar og stöðu á húsnæðismarkaði.

Könnunina finnið þið hér:   Staða launafólks á Íslandi 2025 Survey

Framkvæmd könnunarinnar er alfarið í höndum Vörðu, sem sér um hönnun spurninga, uppsetningu, framkvæmd og úrvinnslu á niðurstöðum.

Könnunin verður opin í tvær vikur og hægt er að svara henni í síma, spjaldtölvu eða tölvu.

Könnunin er á þremur tungumálum, íslensku, ensku og pólsku.

Þrír þátttakendur vinna 40.000 kr. gjafakort fyrir þátttökuna.

Könnunin opnar fimmtudaginn 12. júní og verður lokað föstudaginn 27. júní.

Könnunin er ópersónurekjanleg. Happdrætti sem þátttakendum gefst kostur á að taka þátt í er á öðrum hlekk og ekki hægt að rekja saman svör í könnuninni við þátttöku í happdrættinu.

Við hvetjum allt félagsfólk til að taka þátt í könnuninni, enda afar mikilvægt að fá sjónarmið sem flestra til að niðurstöðurnar nýtist sem best við að móta og styðja við kröfur verkalýðshreyfingarinnar.

Fagdeild slökkviliðsmanna ásamt Eldvarnarmiðstöðinni standa fyrir námsferð dagana 15. – 18. september 2025 til Holmatro í Hollandi. Boðið verður upp á  tveggja daga námskeið í björgun á fastklemmdum sjúklingum úr bifreiðum og umgengni við klippibúnað. Takmarkað sætaframboð er í boði en gert er ráð fyrir að 8 manna hópur fari út.

Þetta er vonadi bara fyrsta ferð af mörgum en ef vel gengur vonumst við til að geta boðið upp á fleiri ferðir til Holmatro.

Félagsmenn LSS  sækja um þátttöku á netfangið lsos@lsos.is fyrir 30. júní 2025 en dregið verður úr umsóknum fyrir 5. júlí 2025 og þátttakendum tilkynnt hvort þeir fái pláss á námskeiðinu. Þeir aðilar sem dregnir verða út þurfa að kaupa flug og senda staðfestingu á LSS fyrir 1.ágúst 2025 til að tryggja sér sæti á námskeiðinu.

·       Ferðatilhögun er  flug til Schipol 15. september 2025

·       Holmatro sér um að bóka hótel en þátttakendur sjá sjálfir um að greiða fyrir hótelið, 

·       Holmatro sér um að koma hópnum á hótel

·       2 dagar í námskeið  16.-17. september

·       Holmatro kemur hópnum aftur á Schipol 18. september




Þátttakendur geta sótt um styrk úr Starfsmenntunarsjóð fyrir flugi og hóteli en námskeiðsgjaldið sjálft er í boði Holmatro og Eldvarnarmiðstöðinnar.

Námsferð til Holmatro í klippibúnaði - september 2025

 Við viljum vekja athygli á síðasta örnámskeiðinu á þessari vorönn um „Ábyrgðasjóð launa“.

Námskeiðið er ætlað starfsmönnum stéttarfélaga, trúnaðarmönnum og öllum þeim sem hafa áhuga á efninu.

Námskeiðið er gjaldfrítt en það þarf að skrá sig í gegnum námsvefinn til að fá sendan hlekk inn á Zoom.

Námskeiðið stendur í 1 klst. eða milli 09:00 og 10:00.

https://felagsmalaskoli.is/course/abyrgdasjodur-launa-4/

Örnámskeið um "Ábyrgðasjóð launa" 22. maí kl. 09:00

Í tilefni af 50 ára afmæli Landssambands slökkviliðs- og sjúkraflutningamanna þann 12. maí 2023 var ákveðið að heiðra fyrrum stjórnarmenn félagsins.  Árið 2023 voru fyrrum formenn heiðraðir og í fyrra voru fyrrum varaformenn heiðraðir.

Nú er komið að öðrum fyrrum stjórnarmönnum félagsins að fá silfurmerki félagsins á afmælisfagnaði félagsins 12. maí n.k.

Afmælisfagnaðurinn verður haldinn í sal 3 að Hótel Reykjavík Natura, Nauthólsvegi 52, Reykjavík, mánudaginn 12. maí n.k.  Opið hús verður milli 15:00 og 17:00.  Dagskrá hefst um kl. 15:30.

Boðið verður upp á léttar veitingar.

Örnám og fræðsla í maí - opið öllum!

Til að standa vörð um réttindi launafólks þurfum við að vera vel upplýst og meðvituð um lagaumhverfi og úrræði vinnumarkaðarins.

Félagsmálaskóli Alþýðu býður í maí upp á röð stuttra og hagnýtra netnámskeiða sem miða að því að styrkja þekkingu og getu þeirra sem starfa innan verkalýðshreyfingarinnar – hvort sem það eru trúnaðarmenn, starfsfólk eða kjörnir fulltrúar stéttarfélaga. 

Námskeiðin eru kennd í gegnum Zoom – opin öllum þeim sem vilja efla sig í starfi og stuðla að réttlátu og öruggu vinnuumhverfi. Gjaldfrjálst er á styttri námskeiðin en lágmarksgjald rukkað á þau sem eru lengri. 
---
Greiðsla og styrkir: Trúnaðarmenn þurfa vilyrði frá sínu stéttarfélagi til að sækja námskeiðið eigi félagið að greiða. Aðra þátttakendur hvetjum við til að sækja um styrki hjá sínu stéttarfélagi.

Skráningarfrestur er til hádegis daginn fyrir hvert námskeið. 

✅Smelltu á nafn námskeiðs til að skrá þig! 

 Hvíldartíma ákvæði vinnuréttar
🕐 7. maí kl. 09:00-11:00 
Þátttökugjald: 6.500 kr.
Yfirlit yfir helstu reglur um hvíldartíma, hámarksvinnutíma og undantekningar.

Fæðingarorlofssjóður - fæðingar- og foreldraorlof 
🕐 9. maí kl. 10:00-11:00
Gjaldfrjálst. 
Réttindi foreldra, hlutverk Vinnumálastofnunar og stéttarfélaga, og tenging við kjarasamninga. (Gjaldfrjálst) 

Vinnueftirlit - Vinnuvernd 
🕐14. maí kl. 09:00-12:00
Þátttökugjald: 8.900 kr.
Skyldur atvinnurekenda og réttindi starfsmanna þegar kemur að öryggi og heilsu á vinnustað.

Atvinnuleysistryggingasjóður
🕐 16. maí kl. 10:00-11.00
Gjaldfrjálst. 
Hver á rétt á bótum og hvernig virkar kerfið? Hvaða hlutverki gegna stéttarfélögin?

Ábyrgðasjóður launa 
🕐 22. maí kl. 10:00-11:00
Gjaldfrjálst. 
Farið verður yfir hlutverk sjóðsins, hvaða kröfur hann ábyrgist og hvernig ferlið gengur fyrir sig.

🌐 Fjarnámskeið - Samskipti í rauntíma! 

Kennari og þátttakendur hittast í fjarfundi - ZOOM -  þar sem kennari flytur erindi, sýnir glærur og notar önnur kennslugögn. Þátttakendur fá sendan hlekk degi fyrir námskeiðið til að tengjast námskeiðinu.


Félagsmálaskóli alþýðu
Guðrúnartúni 1
105 Reykjavík
Sími: 53 55 600
Netfang: felagsmalaskoli@felagsmalaskoli.is




13:00 Safnast saman á Skólavörðuholti. 

13:30 Gangan hefst og fer niður Skólavörðustíg, Bankastræti og Austurstræti að Ingólfstorgi. Lúðrasveit verkalýðsins og Lúðrasveitin Svanur spila á Skólavörðuholti og síðan í göngunni niður á Ingólfstorg. Táknmálstúlkar verða Margrét Baldursdóttir og Lilja Íris Long Birnudóttir. Textatúlkun verður á ensku.

 14:00 Útifundur hefst á Ingólfstorgi. Fundarstýra er Kolbrún Dögg Kristjánsdóttir sviðshöfundur og listakona. Ræðu flytja Karla Esperanza Barralaga Ocón starfskona í umönnun, trúnaðarmaður og stjórnarmaður í Eflingu og Jóhanna Bárðardóttir rafveituvirki, rafvirki og trúnaðarmaður RSÍ. Rauðsokkur segja nokkur orð. Mammaðín og Una Torfa munu taka lagið og í lok fundarins verður samsöngur

Hér má nálgast allar upplýsingar um dagskránna 1.maí fyrir allt landið.

1.maí 2025 - hvetjum félagsmenn LSS til að mæta

LSS hefur fengið nokkur sæti á fyrirlestur á vegum Íslandsdeild International Police Association (IPA) en fyrirlesturinn ber heitið Leading Before, During and after the Crisis. 

Viðburðurinn verður í Borgarleikhúsinu föstudaginn 9. maí frá kl. 10-16

Þar sem um takmarkað sætaframboð er að ræða þurfa þau sem hafa áhuga á að mæta að senda póst á bjarnii@lsos.is   Vinsamlegast ekki skrá ykkur nema þið ætlið 100% að mæta.


Chief Daniel Linskey fer með okkur í gegnum hvernig lögreglan í Boston tókst á við hryðjuverkaárás á Boston maraþonið árið 2013. Chief Linskey mun fjalla um "leading before, during and after the crisis" ásamt því að gefa innsýn í hans feril í lögreglunni í Boston.


Boston Marathon Bombing 2013 - Innsýn stjórnanda í lögreglunni í Boston

Kl. 11:00 í dag lauk atkvæðagreiðslu um kjarasamning LSS og ríkisins fyrir sjúkraflutningamenn hjá heilbrigðisstofnunum og var hann samþykktur með 93% atkvæða.


Á kjörskrá voru 57
Þar af tóku 43 þátt eða samtals 75,4% þátttaka

Niðurstöður:
Já =  40 eða samtals 93,02%
Nei = 3 eða samtals 6,98%
Tek ekki afstöðu = 0 eða samtals 0%

LSS hvetur félagsmenn sem starfa hjá ríkinu að kynna sér kjarasamninginn taka þátt í atkvæðagreiðslu. 

Kosning byrjar fimmtudaginn 10.apríl kl: 12:00 og lýkur mánudaginn 14.apríl, kl: 11:00

Þegar aðilar kjósa munu þeir fá rafrænan kjörseðil en einnig hafa aðgang að undirrituðum samning og kynningarefni.

Rafræn kosning um kjarasamning LSS og SNR

Kynning á nýjum kjarasamning sjúkraflutningamanna hjá heilbrigðisstofnunum

Björgunarmiðstöðin á Selfossi og á Teams

https://teams.microsoft.com/l/meetup-join/19:meeting_MzNjNmJjMzAtNWRjZi00NzEyLTliM2MtYTMyZDQ0NzQ4NDUz@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

https://teams.microsoft.com/l/meetup-join/19:meeting_NTE0ZTdjNjEtNTUyMy00NWJiLTlhN2ItNzNmOWQ5NjMwYzM3@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

LSS undirritar kjarasamning við ríkið

Í dag undirritaði Landssamband slökkviliðs- og sjúkraflutningamanna undir nýjan kjarasamning við Kjara- og mannauðssvið Fjármálaráðuneytisins. Um er að ræða kjarasamning og samkomulag fyrir tímavinnumenn en samningarnir byggja á áfangasamkomulögum um jöfnun launa á milli markaða sem er í kjarasamningum frá 2016 ásamt því að falla undir virðismat starfa innan ríkisins. Stefnt er að því að kynna kjarasamninginn fyrir félagsmönnum á mánudagskvöldið hjá HSU og á teams og svo á miðvikudagskvöldið á teams.

Með undirritun samnings falla niður þær verkfallsaðgerðir sem boðaða voru hjá HSA á mánudaginn.

LSS tapaði máli sínu fyrir Félagsdómi

Í dag féll dómur fyrir Félagsdómi í máli ríkisins gegn LSS vegna verkfallsboðana félagsins hjá HSU, HSN og HVE. Þó svo að samningar væru langt komið taldi LSS mikilvægt að fá úrskurðinn svo við hefðum viðmið í framtíðinni. Verkfallsaðgerðir LSS voru dæmdar ólöglegar þar sem ekki væri hægt að undanskilja F4 verkefni frá þeim starfsskyldum sem þarf að sinna í verkföllum. LSS mun því hafa þennan dóm til hliðsjónar kom síðar til verkfallsboðunar hjá félaginu bæði hjá ríki og sveitarfélögum.

Klukkan 11 í dag lauk atkvæðagreiðslu um kjarasamning Landssambands slökkviliðs- og sjúkraflutningamanna og Sambands íslenskra sveitarfélaga sem undirritaður var 24. mars síðastliðinn og var samningurinn samþykktur með 73,44% atkvæða.

Á kjörskrá voru 336
Þar af tóku 256 þátt eða samtals 76,2% þátttaka

Niðurstöður:
Já =  188 eða samtals 73,44%
Nei = 60 eða samtals 23,44%
Tek ekki afstöðu = 8 eða samtals 3,12%

Laugardaginn 29. mars kl. 12:00 verður ný undirritaður kjarasamningur LSS og SÍS kynntur á Teams.

https://teams.microsoft.com/l/meetup-join/19:meeting_MTIyZTBhOGUtOTBjYi00ZDc0LWJhNmUtZTVhMWUwZmRhMTZl@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

Atkvæðagreiðsla fer fram frá kl. 18 föstudaginn 28. mars og stendur til kl. 11 þriðjudaginn 1. apríl

Rétt til að greiða atkvæði eru þeir sem eru ráðnir í starfshlutfall og falla því undir 1.gr. laga nr. 94/1986

Flipi verður settur á heimasíðu LSS þar sem hægt er að skrá sig inn með rafrænum skilríkjum og greiða atkvæði.

Hægt verður að skoða kjarasamninginn inni á mínum síðum.

Kynning á kjarasamningi LSS og SÍS ásamt upplýsingum um atkvæðagreiðslu

Hrannar Már Gunnarsson lögfræðingur BSRB verður með námskeið á teams á þriðjudaginn í næstu viku. 1. apríl, klukkan 13-16. Námskeiði er fyrir starfsfólk stéttarfélaga og trúnaðarmenn.

Um er að ræða námskeið sem nýtist öllu starfsfólki og trúnaðarmönnum sem vilja læra um íslenskan vinnumarkað út frá lögum og kjarasamningum.

Á námskeiðinu er lögð áhersla á að nemendur skilji þær reglur sem gilda á opinberum vinnumarkaði. Farið er yfir þá löggjöf sem tengist vinnurétti, ákvæði kjarasamninga og hvernig íslenskur vinnumarkaður er uppbyggður. Ítarlega er farið yfir lög og reglugerðir sem íslenskur vinnumarkaður byggir á en megináhersla verður á skráðar og óskráðar reglur stjórnsýsluréttar auk dómafordæma.

Áhugasöm skrá sig í gegnum þennan link: https://felagsmalaskoli.is/course/vinnurettur. Við skráningu þarf að velja frá hvaða stéttarfélagi/vinnustað þið eruð og kennitala greiðanda er kennitala ykkar stéttarfélags/vinnustaðar (kennitala LSS er 701173-0319).

Vinnuréttur - námskeið fyrir trúnaðarmenn

Í dag undirritaði LSS nýjan kjarasamning við Samband íslenskra sveitarfélaga en nýr samningur er álíkur þeim sem felldur var fyrr á þessu ári ásamt ákveðnum breytingum í samræmi við niðurstöðu könnunar sem LSS gerði meðal félagsmanna. 

Stefnt er að því að kynna nýjan kjarasamning fyrir helgi og að atkvæðagreiðsla fari fram dagana 28. mars til 1. apríl nk.

Tilkynning frá LSS - nýr kjarasamningur undirritaður

Kjarasamningur stjórnenda

Lestu líka