Rýming hjá Slökkviliði Akureyrar

Slökkvilið Akureyrar hóf þátttöku í Eldvarnaátaki Landssambands slökkviliðs- og sjúkraflutningamanna með rýmingar- og björgunaræfingu í Borgum og Háskólanum á Akureyri í gær. Um var að ræða eina umfangsmestu æfingu sem Slökkvilið Akureyrar hefur ráðist í. Hundruð starfsmanna og nemenda tóku þátt í að rýma byggingarnar og safnast saman á söfnunarsvæðum. Notaður var búnaður sem slökkviliðið fékk frá Vegagerðinni til æfinga í jarðgöngum og var tendraður gervieldur og rými fyllt með reyk. Þá var björgun fólks úr byggingunum æfð. Um tíu slökkviliðsmenn tóku þátt í æfingunni.

https://www.mbl.is/frettir/innlent/2022/11/23/gervieldur_tendradur_og_rymi_fyllt_med_svidsreyk/

https://www.akureyri.net/is/ljosmyndir/rymingar-og-bjorgunaraefing

https://www.mbl.is/frettir/innlent/2022/11/23/eldvarnir_i_reykjavik_lakari_en_a_landsbyggdinni/