31.8.2022
Ráðstefna um skaðaminnkun á Íslandi
Góðan dag
Þann 7. september nk. verður haldin ráðstefna um skaðaminnkun á Íslandi, á vegum Matthildar, samtaka um skaðaminnkun.
Á ráðstefnunni verður farið yfir stöðuna á skaðaminnkandi starfi á Íslandi og skaðaminnkandi úrræði og verkefni m.a. kynnt. Ásamt því mun Arild Knutsen leiðtogi notenda vímuefna í Noregi frá The Association for Humane Drug Policies, halda erindi um notendahreyfinguna í Noregi, þeirra störf og mikilvægi þess að samstarf sé á milli notenda vímuefna og stjórnvalda og úrræða.
Heiðursgestur ráðstefnunnar er Matthildur Jónsdóttir Kelley, en Matthildar samtökin heita í höfuðið á þeirri mögnuðu konu.
Dagskrána má finna hér að neðan og skráningarform hér.
Athugið að vegna mikillar aðsóknar verður ráðstefnan færð í stærri sal, frekari upplýsingar um staðsetningu verðar tilkynntar á næstunni. Ráðstefnan verður haldin á höfuðborgarsvæðinu.
Kær kveðja,
Stofnaðilar Matthildar, samtaka um skaðaminnkun
Elín Guðný Gunnarsdóttir, MPM.
Sigrún Jóhannsdóttir, lögmaður.
Svala Jóhannesdóttir, sérfræðingur í skaðaminnkun.
https://www.facebook.com/matthildurskadaminnkun