Skrifstofa LSS verður lokuð dagana 25-27.janúar (miðvikudag til föstudags)vegna flutnings, opnum aftur mánudaginn 30. janúar í nýju og glæsilegu húsnæði í Norðurbrún 2 í Reykjavík.

Föstudaginn 22. september var undirritað framlenging, með smá breytingum, á núgildandi kjarasamning LSS við SÍS vegna stjórnenda slökkviliða.

Verði samningurinn samþykktur gildir hann frá 1. október 2023 til 31. mars 2024

Kosning um þessa framlengingu stendur frá 25. september til kl. 12:00 föstudaginn 29. september

Hér fyrir neðan er linkur á kosninguna en skrá þarf sig inn með rafrænum skilríkjum og á kosningavefnum má nálgast kjarasamninginn.

 https://kjosa.vottun.is/home/vote/457?lang=IS

 Í viðhengi er kynning á þeim breytingum sem gerðar verða á kjarasamningnum

 Ef þið lendið í vandræðum með að kjósa þá vinsamlegast snúið ykkur til skrifstofu LSS

Framlenging kjarasamnings LSS og SÍS fyrir stjórnendur með breytingum.

Í dag lauk kosningu um kjarasamning LSS og SÍS og var samningurinn samþykktur með 60.47% atkvæða. Samningurinn mun því taka gildi 1. október 2023 og gilda til 31. mars 2024. Kosningaþátttaka var 50.59% eða 172 atkvæði en á kjörskrá voru 340. Næstu skref verða því að hefja þá vinnu sem getið er um í verkáætlun en sú vinna veður svo grundvöllur af samtali um nýjan kjarasamning sem tæki við 1. apríl 2024.

Kjarasamningur LSS og SÍS - niðurstaða kosninga

Opinn kynningafundur verður haldinn á teams miðvikudagskvöldið kl. 20:00, teams  -  hér má nálgast linkinn fyrir fundinn.

https://teams.microsoft.com/l/meetup-join/19%3ameeting_MTVhNmExOTgtNTZmNi00MDE0LTkxMTctMGJiNWZkMzdmOTZi%40thread.v2/0?context=%7b%22Tid%22%3a%22455e9ef8-af00-4e32-a8a1-41e4cbf1a352%22%2c%22Oid%22%3a%22022a4d9a-7c18-4c6e-9c12-667c5e0dfce1%22%7d

Í dag hófst kosning um framlengingu á núgildandi kjarasamningi LSS  og SÍS en framlengingin er til 6 mánaða og mun því gilda frá 1. október 2023 til 31. mars 2024. Á þessum tíma verður jafnframt unnið að lengri kjarasamning sem tæki gildi 1. apríl 2024. Kosningin mun standa yfir til kl. 10 föstudaginn 15. september. 

Opinn kynningafundur verður haldinn á teams miðvikudagskvöldið kl. 20:00, teams linkur verður settur á heimasíðu LSS fyrr þann dag. 

Þeir sem kjósa um samninginn eru þeir aðilar sem hafa fasta starfsskyldu hjá sínum vinnuveitanda þ.e. dagvinnu, vaktavinnu eða fastar bakvaktir. 

Hér er linkur á kosningarnar en það þarf rafræn skilríki til að skrá sig inn. 

https://kjosa.vottun.is/home/vote/454?lang=IS 

Það hefur farið mikil vinna í að safna saman lista um félagsmenn en hugsanlega getur eitthvað klikkað í ferlinu. Ef einhverjir geta ekki kosið, en telur sig eiga að vera á listanum, geta þeir haft samband við skrifstofu LSS en viðbótarlisti verður sendur inn á hádegi á fimmtudag.  

Kosning um framlenginu á kjarasamning LSS og SÍS

Áhrif heimsfaraldurs á íslenska viðbragðsaðila í neyðarþjónustu.

Málþing í Háskólanum í Reykjavík föstudaginn 8. september.

Áhrif heimsfaraldurs á íslenska viðbragðsaðila í neyðarþjónustu | Allir viðburðir | (ru.is)

Málþing um áhrif COVID á viðbragðsaðila í neyðarþjónustu

Undirrituð hefur verið framlenging á núgildandi kjarasamningi LSS og SNS.  Kynningar á framlengingu samningsins munu hefjast í næstu viku og í framhaldi af því verður kosið um framlenginguna.

Undirrituð framlenging á kjarasamningi LSS og SNS

Föstudaginn 1. september 2023 fer fram Landsmót LSS 2023 á Kiðjabergsvelli

Hér er hægt að skrá sig og fá nánari upplýsingar.

Dagana 11. og 12.09.23 frá 09:00 – 17:00 á Engjateigi 9, munu Sálfræðingarnir ehf. standa  fyrir þjálfun í Félagastuðningi. Námskeiðið er sérstaklega sniðið að viðbragðsaðilum og  aðilum úr ferðaþjónustu sem vegna aukins fjölda ferðamanna lenda oft í erfiðum atvikum.

Námskeiðið halda Wietze Leijten sálfræðingur hjá hollensku lögreglunni og Dr. Sigríður Björk  Þormar. Fyrir neðan fylgir stutt ágrip af reynslu fyrirlesara ásamt drög að dagskrá. 

Einungis er hægt að taka við 30 aðilum á þetta námskeið og munu þeir sem eru á biðlista  frá síðasta hausti, hafa forgang. Verð fyrir einstakling: 80.000 kr. 

Hafi þinn vinnustaður áhuga á að leggja til aðila á þetta námskeið ertu vinsamlega beðin(n) um að senda eftirfarandi upplýsingar á netfangið sal@salfraedingarnir.is fyrir 24.08 n.k. 

• Nafn, kennitölu, netfang og gsm númer þátttakenda + nafn vinnustaðar

• Upplýsingar um hvert senda á reikning* fyrir þátttöku (netfang og kennitala)

*Einungis er hægt að tryggja sæti á námskeiðinu með greiðslu gjalds, ekki verða tekin frá  sæti.

Með kærri kveðju, F.h. Sálfræðinganna ehf. 

Námskeið í félagastuðningi eftir erfiða atburði

LSS minnir á námsstefnuna Á vakt fyrir Ísland 2023 sem verður haldin 20-21. október næstkomandi fyrir alla félagsmenn.  Skráning og nánari upplýsingar verða settar á heimasíðuna þegar nær dregur.   Nú er um að gera að taka dagana frá.

 Fyrir hönd Heilshugar og Matthildar, samtaka um skaðaminnkun, er okkur sönn ánægja að kynna námskeið í nýrri nálgun á meðhöndlun á fíknivanda og áhættuhegðun; Samþætt skaðaminnkandi meðferð (e. integrative harm reduction psychotherapy).

 Námskeiðið fer fram 28 – 30. ágúst 2023 (3x dagar) og verður haldið á Hótel Reykjavík Natura. Upphafsmaður meðferðarinnar er Dr. Andrew Tatarsky og mun hann kenna námskeiðið.

 Námskeiðið og þjálfunin er í heildina þrír dagar og er hugsað fyrir breiðan hóp af klínískum meðferðaraðilum.

 Fyrsti dagurinn þann 28. ágúst er opinn öllum áhugasömum og er sérstaklega mælt með því að fólks sem starfar innan málaflokksins mætti þann daginn.

Skráning og fyrirspurnir eru sendar á netfangið heilshugar@heilshugar.is

Nýjung í meðhöndlun á fíkn og áhættuhegðun - námskeið í samþættri skaðaminnkandi meðferð, þann 28.-30. ágúst

Skrifstofa LSS er lokuð frá og með 3.júlí - 3.ágúst vegna sumarleyfa starfsmanna.

Í neyðartilfellum vegna kjaramála  er hægt að ná í Guðmund síma: 861-9986, netfang gudmundur@lsos.is.  Í neyðartilfellum vegna orlofssmála er hægt að ná í Guðrúnu í síma: 863-4774, netfang lsos@lsos.is 

LSS sendi frá sér veffréttabréf sem lesa má hér:

Fréttabréf LSS - júní 2023 (mailchi.mp)

Markmið sjóðsins er að stuðla að aukinni þekkingu þeirra sem starfa á sviði brunavarna og slökkvistarfa og sérstakra áhættuþátta í umhverfi þeirra sem sækja um styrki og auka hæfni þeirra til miðlunar þekkingar. Sjóðurinn greiðir styrki til rannsókna- og þróunarverkefna, og til námskeiðshalds og frekari uppbyggingar fagþekkingar á sviði brunavarna og slökkvistarfa sbr. 1. mgr. 3. gr. reglugerðar nr. 1600/2022.

Fræðslusjóður brunamála hefur til umráða 4.000.000 kr. og mun 60-90% verða ráðstafað í verkefni sem hafa beina tengingu við starfsemi slökkviliða. Aðrir aðilar sem vinna að brunamálum eiga kost á 10-40% af ráðstöfunarfé sjóðsins. Sjóðurinn veitir ekki styrki til einkafyrirtækja.

Við úthlutun styrkja skal stuðst við umsagnir frá úthlutunarnefnd í samræmi við verklagsreglu HMS.

Umsóknir merktar „Fræðslusjóður brunamála 2023“ skal senda til HMS, fyrir 16. júní nk. á netfangið brunavarnasvid@hms.is, með útfylltu umsóknarformi og viðeigandi fylgigögnum. Umsóknarformið er aðgengilegt hér.

HMS auglýsir eftir umsóknum um styrk úr Fræðslusjóði brunamála fyrir árið 2023 | Húsnæðis- og mannvirkjastofnun

HMS auglýsir eftir umsóknum um styrk úr Fræðslusjóði brunamála fyrir árið 2023

Ef einhver vill komast í sólina þá er íbúðin sem LSS leigir á Spáni í sumar laus til 20. júní.  Fyrstur kemur fyrstur fær á orlofsvefnum www.orlof.is/lsos.

Íbúðin á Spáni er laus til 20. júní.

Slökkviliðsmenn tryggðir fyrir 19 tegundum krabbameina

Í dag skrifaði Landssamband slökkviliðs- og sjúkraflutningamanna undir samning við Tryggja ehf um viðbótartryggingar fyrir slökkviliðsmenn. Frá árinu 2016 hafa slökkviliðsmenn hjá LSS verið með viðbótartryggingu verði þeir fyrir slysi í starfi sem leiðir til varanlegrar örorku. Með nýju samkomulagi er tryggingaverndin vegna varanlegrar örorku og dánarbóta aukin verulega auk þess sem útfararstyrkur kemur inn í trygginguna.  Stærsti áfanginn í þessu samstarfi er ný tegund sjúkdómatryggingar sem tryggir slökkviliðsmenn fyrir 19 tegundum krabbameina en tryggingin er byggð á þeirri vernd sem slökkviliðsmenn í Kanada njóta samkvæmt lögum þar í landi. Aukin hætta starfstengdra krabbameina hefur í rúman áratug verið baráttumál slökkviliða víða í heiminum, og með þessari nýju tryggingu eru íslenskir slökkviliðsmenn að skipa sér í röð þeirra sem njóta hvað víðtækustu tryggingaverndar sem þekkist. 

Bjarni Ingimarsson formaður LSS segir „Í starfi slökkviliðsmanna er ómögulegt að forðast með öllu snertingu við krabbameinsvaldandi efni sem finnast í reyk og braki við eldsvoða. Þrátt fyrir miklar framfarir í persónuhlífum er ómögulegt að þær geti veitt fullkomna vernd og þess vegna er mikilvægt að hagsmunir þessara mikilvægu öryggisstéttar sé tryggð. Undanfarin ár hefur mikil vitundarvakning orðið meðal slökkviliðsmanna um mengunarhættuna sem hefur leitt til breytinga á verklagi og framkvæmd slökkvistarfa. Til að gerast slökkviliðsmaður þarf nær fullkomna heilsu, líkamlegar og andlegar kröfur til starfsins eru miklar og það tekur langan tíma að öðlast þá færni og reynslu til að starfa í framlínu slökkvistarfa, flestir sem starfa í þessum geira eru hugsjónarfólk með brennandi áhuga og metnað fyrir starfinu. Okkar hlutverk sem stéttarfélag þeirra er að reyna eftir fremsta megni að skapa þeim öruggt og farsælt vinnuumhverfi, með kaupum á þessari nýju tryggingu erum við að taka enn eitt skrefið í þá átt.“ 

Baldvin Samúelsson einn eigenda Tryggja segir ,,Félagið sé stolt að veita félagsmönnum vátryggingavernd sem tekur á atvinnutengdum slysum og sjúkdómum hjá þeim sem eru í fremstu víglínu við björgun mannslífa og eignum.
 Þessi samvinna með Landssambandinu samrýmist okkar gildum og þeim samfélagssjónarmiðum sem félagið setur sér að vátryggja í sátt og samlyndi við samfélagið og umhverfið og félagsmenn Landssambandsins falla þar vel að enda hornsteinar í samfélaginu og vernda umhverfið gegn ytri öflum eins og umhverfisbruna og mengun frá spilliefnum. 
 Tryggja hefur undanfarin tvö ár átt í afar farsælu samstarfi með Landssambandinu og við erum í skýjunum að framlengja samstarfið og hafa getað orðið við þeirri beiðni að nú séu slökkviliðsmenn og konur vátryggð gagnvart krabbameinum sem hafa verið viðurkennd sem atvinnusjúkdómur.
 Það má því segja að stundum veltir lítil þúfa þungu hlassi þar sem slökkviliðsmenn á Íslandi eru nú með þeim fyrstu í heiminum sem tryggja sig gegn þessari vá, vonandi munu fleiri fagfélög slökkviliða erlendis setja sig í samband við okkur og kynna sér vinnu okkar og nýta hana sér til hagsbóta fyrir sína félagsmenn.“   

Slökkviliðsmenn tryggðir fyrir 19 tegundum krabbameins

Fréttablaðið Á vakt fyrir Ísland 2023 er komið út.  Líkt og síðustu ár er blaðið gefið út rafrænt.  Lesa má blaðið hér. 

Á vakt fyrir Ísland - fréttablað 2023

Slökkviliðsmenn og heilsubrestur - Víkurfréttir (vf.is)

HMS er nýbúið að gefa út nýtt efni varðandi aðkomu viðbragðsaðila í frístundabyggð. Þeir fengu dygga aðstoð frá Lárusi í BÁ og Dóru hjá Verkís við þessa vinnu.

 Veggspjald til útprentunar má nálgast hér.         

Til birtingar á Facebook og vefsíðum er JPG skjal og heitir Aðkoma viðbragðsaðila

  

Minnum svo á leiðbeininguna sem HMS gaf út 2022 Brunavarnir í frístundabyggð

Aðkoma viðbragðsaðila í frístundabyggð

Skrifstofa LSS lokuð v.flutninga

Lestu líka